ദില്ലി: ഇന്ത്യയുടെ മുന് ഇതിഹാസ ഫുട്ബോളര് ബെയ്ച്ചുങ് ബൂട്ടിയ രാഷ്ട്രീയത്തോടെ വിട ചൊല്ലി. തന്റെ അത്യുജ്ജ്വല കരിയര് അവസാനിച്ച ശേഷമാണ് ബൂട്ടിയ രാഷ്ട്രീയത്തിലും ഒരു കൈനോക്കിയത്. എന്നാല് ഇതു തനിക്കു പറ്റിയ മേഖലയല്ലെന്നു തിരിച്ചറിഞ്ഞതോടെ അദ്ദേഹം രാഷ്ട്രീയം വിടുകയായിരുന്നു. നേരത്തേ തൃണമൂല് കോണ്ഗ്രസില് ചേര്ന്ന ബൂട്ടിയ രണ്ടു തവണ തിരഞ്ഞെടുപ്പില് സ്ഥാനാര്ഥിയായി മല്സരിക്കുകയും ചെയ്തിരുന്നു. ഇനി താന് രാഷ്ട്രീയത്തിലേക്ക് ഇല്ലെന്നാണ് തൃണമൂല് വിട്ട ശേഷം അദ്ദേഹം പ്രഖ്യാപിച്ചത്.
ഐപിഎല്: 'അശ്വ' മേധത്തിന് പഞ്ചാബിന്റെ പുലിക്കുട്ടികള്... യുവിയല്ല, പട നയിക്കാന് അശ്വിന്
നഷ്ടമായ 'ധോണിസം'... ആരാധകര് ഇപ്പോഴും മിസ്സ് ചെയ്യുന്നു, ഇനി ഒരിക്കലും കാണുകയുമില്ല!!
അത് കുറച്ചു കടന്നുപോയി, സ്വയം നിയന്ത്രിക്കാനായില്ല!! ഇപ്പോഴും ഖേദിക്കുന്നുവെന്ന് ഗാംഗുലി
തന്റെ ട്വിറ്റര് പേജിലൂടെയാണ് തൃണമൂല് വിട്ട കാര്യം ബൂട്ടിയ ലോകത്തെ അറിയിച്ചത്. ഓള് ഇന്ത്യ തൃണമൂല് കോണ്ഗ്രസ് പാര്ട്ടിയുടെ എല്ലാ ചുമതലകളില് നിന്നും ഒഴിയുകയാണ്. പാര്ട്ടിയുടെ മെമ്പര്ഷിപ്പും ഒഴിവാക്കുന്നു. ഇനി ഇന്ത്യയിലെ ഒരു രാഷ്ട്ട്രീയ പാര്ട്ടിയിലെയും അംഗമല്ലെന്നും അദ്ദേഹം ട്വിറ്ററില് കുറിച്ചു.
As of today I have officially resigned from the membership and all the official and political posts of All India Trinamool Congress party. I am no longer a member or associated with any political party in India. #politics pic.twitter.com/2lUxJcbUDT
— Bhaichung Bhutia (@bhaichung15) February 26, 2018
2011ലാണ് ബൂട്ടിയ ഫുട്ബോളില് നിന്നും വിരമിക്കല് പ്രഖ്യാപിച്ചത്. കരിയറില് തനിക്ക് ഏറ്റവുമധികം പിന്തുണയും പ്രോല്സാഹനവും ലഭിച്ചിട്ടുള്ള ബംഗാളില് തന്നെ പുതിയ രാഷ്ട്രീയ കരിയര് ആരംഭിക്കാന് അദ്ദേഹം പിന്നീട് തീരുമാനിക്കുകയായിരുന്നു.
2013ലാണ് മമത ബാനര്ജി നയിക്കുന്ന തൃണമൂല് കോണ്ഗ്രസ് പാര്ട്ടിയുമായി സഹകരിക്കാന് ബൂട്ടിയ തീരുമാനിച്ചത്. പാര്ട്ടി അംഗമായി മാറിയ ശേഷം കൂടുതല് കായികതാരങ്ങള് രാഷ്്ട്രീയത്തിലേക്കു വരേണ്ടതുണ്ടെന്നും അദ്ദേഹം ചൂണ്ടിക്കാട്ടിയിരുന്നു. 2014ലെ ലോക്സഭാ തിരഞ്ഞെടുപ്പിലും 2016ലെ നിയമസഭാ തിരഞ്ഞെടുപ്പിലും ബൂട്ടിയ മല്സരിച്ചെങ്കിലും പരാജയപ്പെടുകയായിരുന്നു.