കേരള ബ്ലാസ്‌റ്റേഴ്‌സിന് സന്തോഷ വാര്‍ത്ത; കരാര്‍ പുതുക്കാന്‍ തയ്യാറെടുത്ത് സഹലും രാഹുലും

കൊച്ചി: കേരള ബ്ലാസ്റ്റേഴ്‌സ് ആരാധകര്‍ക്ക് സന്തോഷ വാര്‍ത്ത. മലയാളി താരങ്ങളായ സഹല്‍ അബ്ദുല്‍ സമദും രാഹുല്‍ കെപിയും ക്ലബ്ബുമായി കരാര്‍ പുതുക്കാന്‍ തയ്യാറെടുക്കുന്നുവെന്നാണ് റിപ്പോര്‍ട്ടുകള്‍ പുറത്തുവരുന്നത്. ഗോള്‍ ഡോട്ട്‌കോം ഇക്കാര്യം റിപ്പോര്‍ട്ട് ചെയ്തിട്ടുണ്ട്. വലിയ ആരാധക പിന്തുണയുള്ള സഹല്‍ കഴിഞ്ഞ വര്‍ഷം മൂന്ന് വര്‍ഷത്തെ കരാറാണ് ബ്ലാസ്റ്റേഴ്‌സുമായി ഒപ്പിട്ടത്. നിലവില്‍ 2022ല്‍ സഹലിന്റെ ക്ലബ്ബുമായുള്ള കരാര്‍ അവസാനിക്കും. ഇതാണ് നീട്ടാനാണ് താരം തയ്യാറെടുക്കുന്നതെന്നാണ് വിവരം. 2025വരെയെങ്കിലും ബ്ലാസ്റ്റേഴ്‌സില്‍ സഹല്‍ തുടര്‍ന്നേക്കുമെന്നാണ് വിവരം.

2018-19 സീസണില്‍ ശ്രദ്ധേയ പ്രകടനം പുറത്തെടുത്ത സഹലിനായിരുന്നു ഐഎസ്എല്‍,എഐഎഫ്എഫിന്റെ പ്ലേയര്‍ ഓഫ് ദി ഇയര്‍ അവാര്‍ഡ്. 37 ഐഎസ്എല്ലില്‍ നിന്നായി രണ്ട് അസിസ്റ്റും ഒരു ഗോളുമാണ് മിഡ്ഫീല്‍ഡറായ സഹലിന്റെ പേരിലുള്ളത്.ഇന്ത്യന്‍ ഫുട്‌ബോള്‍ ടീമിന്റെ ഭാവി വാഗ്ദാനമായാണ് സഹലിനെ വിലയിരുത്തപ്പെടുന്നത്. സന്ദേശ് ജിങ്കന്‍ ക്ലബ്ബ് വിട്ടതോടെ ക്ലബ്ബിന്റെ പോസ്റ്റര്‍ ബോയിയായി അടുത്തതായി വളര്‍ന്നുവരുന്നത് സഹലാണ്. ഇതിനോടകം ഇന്ത്യന്‍ ടീമില്‍ അരങ്ങേറ്റം കുറിക്കാനും സഹലിന് സാധിച്ചിട്ടുണ്ട്.

sahalabdulsamadrahulkpandkbs

വിങ്ങറായ രാഹുല്‍ 8 മത്സരങ്ങളാണ് ബ്ലാസ്‌റ്റേഴ്‌സിനുവേണ്ടി കളിച്ചത്. തൃശൂരുകാരനായ 20കാരന്‍ 2017-2019 സീസണില്‍ ഇന്ത്യന്‍ ആരോസിന്റെ ഭാഗമായിരുന്നു. 39 മത്സരങ്ങളില്‍ 6 ഗോളാണ് യുവതാരം ആരോസിനൊപ്പം നേടിയത്. 2019ലാണ് ബ്ലാസ്റ്റേഴ്‌സിലെത്തിയത്. ഇന്ത്യ അണ്ടര്‍ 17,20,23 ടീമുകള്‍ക്കുവേണ്ടിയും രാഹുല്‍ ബൂട്ടണിഞ്ഞിട്ടുണ്ട്. 2022വരെയാണ് രാഹുലിനും ബ്ലാസ്റ്റേഴ്‌സുമായി കരാര്‍ ഉള്ളത്. ഇത് 2025വരെ ഉയര്‍ത്തുമെന്നാണ് റിപ്പോര്‍ട്ട്. യുവതാരങ്ങളുടെ സാന്നിധ്യം കേരള ബ്ലാസ്റ്റേഴ്‌സിന് കരുത്ത് പകരും.

പുതിയ സീസണിന് മുന്നോടിയായി റിയല്‍ കശ്മീര്‍ താരം റിത്വിക് കുമാര്‍ ദാസിനെ കേരള ബ്ലാസ്റ്റേഴ്‌സ് ടീമിലെത്തിച്ചിരുന്നു. അറ്റാക്കിങ് മിഡ്ഫീല്‍ഡറായ റിത്വിക് അവസാന സീസണിലെ ഐ ലീഗില്‍ റിയല്‍ കശ്മീരിനുവേണ്ടി തിളങ്ങിയിരുന്നു. അവസാന സീസണില്‍ 11 മത്സരങ്ങളില്‍ കശ്മീരിനുവേണ്ടി ബൂട്ടണിഞ്ഞ റിത്വിക് രണ്ട് അസിസ്റ്റാണ് നല്‍കിയത്.

നിലവിലെ ടീമിന്റെ സൂപ്പര്‍ സ്‌ട്രൈക്കറായ ബാര്‍ത്തലോമ്യു ഓഗ്‌ബെച്ച ക്ലബ്ബുവിടുകയാണെന്നാണ് ഏറ്റവും പുതിയ റിപ്പോര്‍ട്ടുകള്‍. മുംബൈയാണ് അദ്ദേഹത്തെ നോട്ടമിട്ടിരിക്കുന്നത്. കോവിഡ് വ്യാപനത്തിന്റെ പശ്ചാത്തലത്തില്‍ പുതിയ സീസണ്‍ ആരാധകരെ ഉള്‍ക്കൊള്ളിക്കാതെ അടച്ചിട്ട സ്റ്റേഡിയത്തില്‍ നടത്താനാണ് പദ്ധതിയിടുന്നത്.

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

Story first published: Friday, July 31, 2020, 15:05 [IST]
Other articles published on Jul 31, 2020
ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more
X