Click it and Unblock the Notifications
Sporting Buzz
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്! വസ്തുത ഇതാണ് -
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ -
IPL 2024: സഞ്ജു കണ്ട് പഠിക്കണം, റിഷഭാണ് ഹീറോ! സിക്സര് പൂരം; ലോകകപ്പ് സീറ്റുറപ്പിച്ചു -
IPL 2024: പന്ത് നിലത്ത് തട്ടി? എന്നിട്ടും ഔട്ട് വിളിച്ചു! പൃഥ്വിയുടെ പുറത്താകല് വിവാദത്തില് -
T20 World Cup: പന്തുള്ളപ്പോള് സഞ്ജു എന്തിന്? പഠാന്റെ ലോകകപ്പ് ടീമില് സഞ്ജുവും രാഹുലുമില്ല -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന്
ഫറ്റോര്‍ഡ: ഐഎസ്എല്ലിന്റെ എട്ടാം സീസണില്‍ കേരള ബ്ലാസ്റ്റേഴ്‌സിനു ദയനീയ തോല്‍വിയോടെ തുടക്കം. ഗോവയിലെ ഫറ്റോര്‍ഡയില്‍ നടന്ന സീസണിലെ ആദ്യ കളിയില്‍ മുന്‍ ചാംപ്യന്‍മാരായ എടിക്കെ മോഹന്‍ ബഗാന്‍ രണ്ടിനെതിരേ നാലു ഗോളുകള്‍ക്കു മഞ്ഞപ്പടയെ കെട്ടുകെട്ടിക്കുകയായിരുന്നു. പുതുതായി ടീമിലെത്തിയ ഫ്രഞ്ച് സൂപ്പര്‍ മിഡ്ഫീല്‍ഡല്‍ ഹ്യൂഗോ ബൗമസിന്റെ ഇരട്ടഗോളുകളാണ് ബ്ലാസ്റ്റേഴ്സിന്റെ കഥ കഴിച്ചത്. മൂന്ന്, 39 മിനിറ്റുകളിലായിരുന്നു അദ്ദേഹത്തിന്റെ ഗോളുകള്‍. റോയ് കൃഷ്ണ (27), ലിസ്റ്റണ്‍ കൊളാക്കോ (50) എന്നിവരാണ് എടിക്കെയുടെ സ്‌കോറര്‍മാര്‍. ബ്ലാസ്റ്റേഴ്സിന്റെ ഗോളുകള്‍ മടക്കിയത് മലയാളി താരം സഹല്‍ അബ്ദുള്‍ സമദും (24) ജോര്‍ജ് ഡയസുമായിരുന്നു (69). ഹീറോ ഓഫ് ദി മാച്ചായി തിരഞ്ഞെടുക്കപ്പെട്ടത് ബൗമസായിരുന്നു.
ആവേശകരമായ മല്‍സരത്തില്‍ അര്‍ഹിച്ച വിജയം കൂടിയാണ് എടിക്കെ സ്വന്തമാക്കിയത്. അവരുടെ പന്തടക്കത്തിലും ആക്രമണത്തിനുമെതിരേ ബ്ലാസ്റ്റേഴ്‌സിനു മറുപടിയില്ലായിരുന്നു. വിസില്‍ മുഴങ്ങി മൂന്നാമത്തെ മിനിറ്റില്‍ തന്നെ ബ്ലാസ്റ്റേഴ്സിന്റെ വലകുലുങ്ങി. ലിസ്റ്റണിന്റെ പാസില്‍ നിന്നായിരുന്നു ബൗമസിന്റെ ഗോള്‍. ലിസ്റ്റണിന്റെ മൈനസ് പാസ് ബോക്‌സിനു പുറത്തു നിന്നും ബൗമസ് ബോക്‌സിനുള്ളിലേക്ക് തൊടുത്തു. ഗോള്‍കീപ്പര്‍ക്കു പന്തിന്റെ ദിശ മനസ്സിലാക്കുന്നതില്‍ പിഴവ് പറ്റിയപ്പോള്‍ പന്ത് വലയ്ക്കുള്ളില്‍ കയറി.
ഇതോടെ കളിക്ക് ചൂടുപിടിച്ചു. തുടക്കത്തില്‍ തന്നെയേറ്റ പ്രഹരം ബ്ലാസ്റ്റേഴ്‌സിനെ ഞെട്ടിച്ചു. എങ്കിലും ഗോള്‍ മടക്കാന്‍ അവര്‍ ചില മുന്നേറ്റങ്ങള്‍ നടത്തി. 24ാം മിനിറ്റില്‍ ബ്ലാസ്റ്റേഴ്സ് സമനില കൈക്കലാക്കി. വലതു വിങില്‍ നിന്നും മറ്റൊരു മലയാളി താരമായ കെപി രാഹുല്‍ നല്‍കിയ ക്രോസ് നെഞ്ചു കൊണ്ടു തടുത്തിട്ട സഹല്‍ തകര്‍പ്പനൊരു വോളിയിലൂടെ ലക്ഷ്യം കാണുകയായിരുന്നു. എന്നാല്‍ ബ്ലാസ്റ്റേഴ്സിന്റെ ആഹ്ലാദം അധികം നീണ്ടില്ല. മൂന്നു മിനിറ്റിനുള്ളില്‍ ബ്ലാസ്റ്റേഴ്സ് ലീഡ്് തിരിച്ചുപിടിച്ചു. പെനല്‍റ്റിയില്‍ നിന്നായിരുന്നു ഗോള്‍. ബോളുമായി വലതു വിങിലൂടെ പറന്നെത്തിയ കൃഷ്ണയെ ബ്ലാസ്റ്റേഴ്സ് ഗോളി ആല്‍ബിന്‍ ഗോമസ് ഫൗള്‍ ചെയ്തതിനെ തുടര്‍ന്നായിരുന്നു പെനല്‍റ്റി. കിക്കെടുത്ത കൃഷ്ണ ഗോളിയെ എതിര്‍ ദിശയിലേക്കു വീഴ്ത്തി വലകുലുക്കുകയും ചെയ്തു.
32ം മിനിറ്റില്‍ ആദ്യ ഗോളിനു വഴിയൊരുക്കിയ രാഹുലിനെ പരിക്കു കാരണം നഷ്ടമായത് ബ്ലാസ്റ്റേഴ്‌സിനു അടുത്ത തിരിച്ചടിയായി. പകരക്കാരനായി മറ്റൊരു മലയാളി താരം കെ പ്രശാന്ത് കളത്തിലിറങ്ങുകയും ചെയ്തു. ഗോള്‍ മടക്കി കളിയിലേക്കു തിരിച്ചുവരാന്‍ ബ്ലാസ്റ്റേഴ്സ് ശ്രമിക്കവെ 39ാം മിനിറ്റില്‍ ഒരിക്കല്‍ക്കൂടി സ്വന്തം വലകുലുങ്ങി. ബൗമസിന്റെ അസാധാരണ പന്തടക്കത്തിന്റെ ഷൂട്ടിങ് പാടവിന്റെയും നേര്‍ക്കാഴ്ചയായിരുന്നു ഈ ബോള്‍. ലോങ് ബോള്‍ ക്ലിയര്‍ ചെയ്യുന്നതില്‍ മലയാളി ഡിഫന്‍ഡര്‍ ബിജോയ്ക്കു പിഴച്ചപ്പോള്‍ തട്ടിയെടുത്ത ബൗമസ് വലതു വിങിലൂടെ ചാട്ടുളി കണക്കെ ബോക്‌സിലേക്കു പറന്നെത്തി. തടയാന്‍ ശ്രമിച്ച ബിജോയ് നില തെറ്റി വീഴുകയും ചെയ്തു. ഗോളി ആല്‍ബിന്റെ കാലുകള്‍ക്കിടയിലൂടെ പന്തിനെ ബൗമസ് ലക്ഷ്യത്തിലെത്തിച്ചു. 3-1ന്റെ മികച്ച ലീഡുമായാണ് എടിക്കെ ആദ്യ പകുതിയില്‍ കളംവിട്ടത്.
രണ്ടാംപകുതിയാരംഭിച്ച് അഞ്ചു മിനിറ്റിനകം ബ്ലാസ്റ്റേഴിസിനു മേല്‍ എടിക്കെ അടുത്ത ആണിയുമടിച്ചു. കൃഷ്ണ ബോക്‌സിനു പുറത്തു നിന്ന ലിസ്റ്റണിനു ബോള്‍ മറിച്ചു നല്‍കി. ബോക്‌സിനു തൊട്ടരികില്‍ നിന്നും ലിസ്റ്റണ്‍ തൊടുത്ത കര്‍ലിങ് ഷോട്ട് വലയ്ക്കുള്ളില്‍ തുളഞ്ഞു കയറുമ്പോള്‍ ബ്ലാസ്റ്റേഴ്സ് ഗോളി ആല്‍ബിനും മറ്റു താരങ്ങള്‍ക്കും നോക്കുകുത്തികളായി നില്‍ക്കാനേ ആയുള്ളൂ. 69ം മിനിറ്റില്‍ ഡയസ് ബ്ലാസ്റ്റേഴ്സിന്റെ പരാജയഭാരം കുറിച്ച് ഡയസ് രണ്ടാമത്തെ ഗോള്‍ മടക്കി. അഡ്രിയാന്‍ ലൂണയുടെ പാസില്‍ നിന്നായിരുന്നു ഗോള്‍.
