അഹ്മദാബാദ്: ഇന്റര്കോണ്ടിനെന്റല് കപ്പ് ഫുട്ബോള് ടൂര്ണമെന്റില് ഉത്തര കൊറിയ കിരീടം സ്വന്തമാക്കി. കലാശപ്പോരില് തജികിസ്താനെ ഒരു ഗോളിന് വീഴ്ത്തിയാണ് ഉത്തര കൊറിയ ചാമ്പ്യന്മാരായത്. 71-ാം മിനിറ്റില് പക് ഹിയോണാണ് കൊറിയയുടെ വിജയഗോള് നേടിയത്.
കൂടുമാറ്റ അഭ്യൂഹങ്ങള്ക്കിടെ ഹിഗ്വെയ്ന് യുവന്റസ് പ്രീ സീസണ് ടീമില്
നാല് രാഷ്ട്രങ്ങള് പങ്കെടുത്ത ടൂര്ണമെന്റില് റാങ്കിങ്ങില് പിന്നിലുള്ള ടീമുകളാണ് ഫൈനലിലെത്തിയ ഇരു ടീമുകളും. സിറിയയും ആതിഥേയരായ ഇന്ത്യയുമായിരുന്നു മറ്റ് ടീമുകള്. ലോക റാങ്കിങ്ങില് 101-ാം സ്ഥാനത്താണ് ഇന്ത്യ. സിറിയ 85-ാം സ്ഥാനത്തും. തജികിസ്താന് 120-ാം റാങ്കിലും ഉത്തര കൊറിയ 122-ാം റാങ്കിലുമാണ്.
ലീഗ് ഘട്ടത്തിലും ഉത്തര കൊറിയ തജികിസ്താനെ 1-0ന് തോല്പ്പിച്ചിരുന്നു. ഈ വിജയത്തിന്റെ മുന്തൂക്കത്തില് ഇറങ്ങിയ ഉത്തര കൊറിയ ഫൈനലില് സമാനമായ വിജയം ആവര്ത്തിച്ചു.