ചെന്നൈയിന് എഫ്സി
അഭിഷേക് ബച്ചന്റെ ടീം ആയ ചെന്നൈയിന് എഫ്സി പോയന്റ് നിലയില് ഏറെ മുന്നിലാണ്. 12 കളികളില് നിന്നായി 22 പോയന്റ് സ്വന്തമാക്കിയ ചെന്നൈ ടീം ഇതിനകം തന്നെ സെമി ഉറപ്പിച്ച് കഴിഞ്ഞു.
എഫ്സി ഗോവ
തുടക്കത്തില് പതറിക്കളിച്ച എഫ്സി ഗോവ ശക്തമായ തിരിച്ചുവരവാണ് നടത്തിയത്. ബ്രസീലിന്റെ ഇതിഹാസ താരം സീക്കോ പരിശീലിപ്പിക്കുന്ന ഗോവന് കരുത്ത് ഏതാണ്ട് സെമി ഉറപ്പിച്ചുകഴിഞ്ഞു. 12 കളികളില് നിന്നായി 18 പോയന്റുണ്ട് ഇവര്ക്ക്. പോയന്റ് നിലയില് രണ്ടാം സ്ഥാനത്താണ് ഇപ്പോള് ഗോവ.
അത്ലറ്റിക്കോ ഡി കൊല്ക്കത്ത
ലീഗിന്റെ തുടക്കം മുതല് അപ്രമാദിത്തം നിലനിര്ത്തിപ്പോന്ന ടീം ആയിരുന്നു സൗരവ് ഗാഗംഗുലിയുടെ അത്ലറ്റിക്കോ ഡി കൊല്ക്കത്ത. എന്നാല് അവസാന ലീഗ് മത്സരങ്ങളിലെത്തുമ്പോള് കൊല്ക്കത്തക്കാര് മൂന്നാം സ്ഥാനത്തായി. 12 കളികളില് നിന്ന് ഇവര്ക്ക് 16 പോയന്റുണ്ട്.
എഫ്സി പൂനെ സിറ്റി
ഒരു ഘട്ടത്തില് പോയന്റ് നിലയില് താഴെ പോയെങ്കിലും എഫ്സി പൂനെ സിറ്റിയും കുതിച്ചുകയറി. അവസാന മത്സരത്തിലെ ജയത്തോടെ പൂനെ ടീം കേരള ബ്ലാസ്റ്റേഴ്സിനെ പിന്തള്ളി നാലാം സ്ഥാനത്തെത്തി. 12 കളികളില് നിന്ന് 16 പോയന്റുണ്ട് പൂനെ ടീമിന്.
കേരള ബ്ലാസ്റ്റേഴ്സ്
ഇനിയും പ്രതീക്ഷ കൈവിടാത്ത ടീം ആണ് കേരള ബ്ലാസ്റ്റേഴ്സ്. അവശേഷിക്കുന്നത് രണ്ട് ഹോം മാച്ചുകളാണെന്നതാണ് ബ്ലാസ്റ്റേഴ്സിന്റെ പ്രതീക്ഷ. ശേഷിക്കുന്ന രണ്ട് കളികളിലും ജയിച്ചാല് കേരളത്തിന് സെമി ഉറപ്പിക്കാം.