കോഴിക്കോട്: ഐ ലീഗില് ജയം നേടാന് കഴിയാതെ ഉഴലുന്ന കേരള ടീം ഗോകുലം എഫ്സിക്ക് വീണ്ടും തോല്വി. ഐസ്വാള് എഫ്.സിയോട് ഒന്നിനെതിരേ മൂന്നു ഗോളുകള്ക്കാണ് ഗോകുലം തോറ്റത്. 83-ാം മിനിറ്റുവരെ ഒരു ഗോളിന് മുന്നില് നിന്ന ശേഷമാണ് സ്വന്തം മൈതാനത്ത് ലീഗിലെ ദുര്ബലരായ ഐസ്വാളിനോട് ഗോകുലം നാണംകെട്ടത്.
ഐഎസ്എല്: കോറോ ഗോളില് ഗോവ, ചെന്നൈയെ മറികടന്ന് ഗോവ, ഇനി സെമി
പ്രതിരോധത്തിലെ പിഴവുകള് അവസാന മിനിറ്റുകളില് ഗോകുലത്തിന് തിരിച്ചടിയായി. മത്സരത്തിന്റെ ഒന്പതാം മിനിറ്റില് ഗോകുലം ലീഡ് നേടി. തുടക്കംമുതല് ആക്രമിച്ചു കളിച്ച ടീം അതിന്റെ ഫലം കണ്ടെത്തുകതന്നെ ചെയ്തു. ട്രിനിനാഡ് താരം മാര്ക്കസ് ജോസഫ് ആണ് ഗോള് സ്കോറര്. ആദ്യ പകുതിയില് കൂടുതല് ഗോള് അവസരങ്ങള് സൃഷ്ടിക്കാനും ടീമിനു കഴിഞ്ഞു.