Click it and Unblock the Notifications
Sporting Buzz
-
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
IPL 2024: 14ന് 4, പിന്നെ അഷുതോഷ് ഷോ; മുംബൈ ജയിച്ചത് എങ്ങനെ? പിന്നില്‍ ബുംറയുടെ തന്ത്രം -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
IPL 2024: മുംബൈയെ ജയിപ്പിച്ചത് അംപയര്! ആ തീരുമാനങ്ങളെല്ലാം തെറ്റ്! വിമര്ശിച്ച് മൂഡി -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
IPL 2024: ഇടിവെട്ടിയവനെ പാമ്പ് കടിച്ചു! സൂപ്പര്‍ താരത്തിന് പരുക്ക്; വെട്ടിലായി ബാംഗ്ലൂര്! -
IPL 2024: പൊരുതി വീണ് പഞ്ചാബ്, ഹീറോയായി ബുംറ; മുംബൈക്ക് ത്രില്ലിങ് ജയം
ലണ്ടന്‍/മാഡ്രിഡ്/പാരിസ്/റോം: ലീഗ് മല്‍സരങ്ങളില്‍ വമ്പന്‍മാര്‍ വിജയത്തോടെ മുന്നേറ്റം നടത്തി. ഇംഗ്ലീഷ് പ്രീമിയര്‍ ലീഗില്‍ മുന്‍ ജേതാക്കളായ ലിവര്‍പൂളും ചെല്‍സിയും വിജയക്കൊടി നാട്ടിയപ്പോള്‍ സ്പാനിഷ് ലീഗില്‍ മുന്‍ കിരീട വിജയികളായ റയല്‍ മാഡ്രിഡും ഫ്രഞ്ച് ലീഗില്‍ നിലവിലെ ചാംപ്യന്‍മാരായ പിഎസ്ജിയും വിജയം സ്വന്തമാക്കുകയായിരുന്നു.പ്രീമിയര്‍ ലീഗിലെ 32ാം റൗണ്ട് മല്‍സരത്തില്‍ ശക്തരായ ടോട്ടനം ഹോട്‌സ്പറിനെയാണ് ലിവര്‍പൂള്‍ പരാജയപ്പെടുത്തിയത്.
ആവേശകരമായ മല്‍സരത്തില്‍ ഒന്നിനെതിരേ രണ്ട് ഗോളുകള്‍ക്കായിരുന്നു ലിവര്‍പൂളിന്റെ ജയം. മല്‍സരം സമനിലയിലേക്ക് നീങ്ങവെ 90ാം മിനിറ്റില്‍ ടോട്ടനം താരം ടോബി അല്‍ഡെര്‍വിറെല്‍ഡിന്റെ സെല്‍ഫ് ഗോള്‍ ലിവര്‍പൂളിനെ രക്ഷിക്കുകയായിരുന്നു. സെല്‍ഫ് ഗോളിന് വഴിയൊരുക്കിയത് ലിവര്‍പൂള്‍ സൂപ്പര്‍താരം മുഹമ്മദ് സലായായിരുന്നു. റോബര്‍ട്ടോ ഫിര്‍മിനോയായിരുന്നു ലിവര്‍പൂളിന്റെ ആദ്യ ഗോളിന് വഴിയൊരുക്കിയത്. ലുകാസ് മൗറയാണ് ടോട്ടനമിന്റെ സ്‌കോറര്‍.
വിജയത്തോടെ ഒരു ഇടവേളയ്ക്കു ശേഷം നിലവിലെ ചാംപ്യന്‍മാരായ മാഞ്ചസ്റ്റര്‍ സിറ്റിയെ പിന്തള്ളി ലിവര്‍പൂള്‍ പോയിന്റ് പട്ടികയില്‍ ഒന്നാം സ്ഥാനത്തേക്ക് തിരിച്ചെത്തുകയും ചെയ്തു. നിലവില്‍ 32 മല്‍സരങ്ങളില്‍ നിന്ന് ലിവര്‍പൂളിന് 79 ഉം 31 കളികളില്‍ നിന്ന് സിറ്റിക്ക് 77 ഉം പോയിന്റാണുള്ളത്. ലീഗിലെ മറ്റൊരു മല്‍സരത്തില്‍ ചെല്‍സി 2-1ന് കാര്‍ഡിഫ് സിറ്റിയെ തോല്‍പ്പിക്കുകയായിരുന്നു. ഒരു ഗോളിന് പിന്നില്‍ നിന്നതിനു ശേഷമായിരുന്നു ചെല്‍സിയുടെ തിരിച്ചുവരവ്. ഇഞ്ചുറിടൈമില്‍ റൂബെന്‍ ലോഫറ്റസ് ചീക്കിലൂടെയാണ് ചെല്‍സി വിജയം പിടിച്ചെടുത്തത്. കളിയുടെ 46ാം മിനിറ്റില്‍ വിക്ടര്‍ കമറാസയിലൂടെ മുന്നിലെത്തിയ കാര്‍ഡിഫിന് 84ാം മിനിറ്റില്‍ സെസാര്‍ അസ്പിലിക്യൂട്ടയിലൂടെയാണ് ചെല്‍സി ആദ്യ തിരിച്ചടി നല്‍കിയത്. 31 കളികളില്‍ നിന്ന് 60 പോയിന്റുമായി ലീഗില്‍ നിലവില്‍ ആറാം സ്ഥാനത്താണ് ബ്ലൂസ്.
സ്പാനിഷ് ലീഗില്‍ റയല്‍ മാഡ്രിഡ് 3-2ന് ഹൂസ്‌കെയെ തോല്‍പ്പിച്ചപ്പോള്‍ ഫ്രഞ്ച് ലീഗില്‍ പിഎസ്ജി 1-0ന് ടൊലോസയെ പരാജയപ്പെടുത്തുകയായിരുന്നു. മറ്റു പ്രധാന മല്‍സരങ്ങളില്‍ സ്പാനിഷ് ലീഗില്‍ വലന്‍സിയ 1-0ന് സെവിയ്യയെയും ഇറ്റാലിയന്‍ ലീഗില്‍ നാപ്പോളി 4-1ന് റോമയെയും ലാസിയോ 1-0ന് ഇന്റര്‍ മിലാനെയും തോല്‍പ്പിച്ചു.
