ഭുവനേശ്വര്: ഇന്ത്യന് സൂപ്പര് കപ്പില് കേരളത്തിന്റെ ഏക പ്രതീക്ഷയായിരുന്ന ഗോകുലം കേരള എഫ്സിയും പുറത്ത്. യോഗ്യതാ റൗണ്ടില് ഡല്ഹി ഡൈനാമോസിനെതിരായ കളിയില് നിന്നും ഗോകുലം പിന്മാറുകയായിരുന്നു. ഇതേ തുടര്ന്ന് വാക്കോവര് ലഭിച്ച ഡല്ഹി പ്രീക്വാര്ട്ടറിലേക്കു മുന്നേറി. അടുത്ത റൗണ്ടില് ഇന്ത്യന് ഫുട്ബോളിലെ അതികായന്മാരും ഐ ലീഗിലെ മുന്നിര ടീമുമായ ഈസ്റ്റ് ബംഗാളാണ് ഡല്ഹിയുടെ എതിരാളികള്.
വെള്ളിയാഴ്ച രാത്രി നടന്ന രണ്ടാമത്തെ യോഗ്യതാ മല്സരത്തില് ഐ ലീഗ് ക്ലബ്ബായ ഇന്ത്യന് ആരോസിനോട് 0-2നു തോറ്റ് കേരള ബ്ലാസ്റ്റേഴ്സ് പുറത്തായിരുന്നു. ഇതോടെ ടൂര്ണമെന്റില് കേരളത്തിന്റെ ശേഷിച്ച ഏക സാന്നിധ്യമായിരുന്നു ഗോകുലം. എന്നാല് കളിക്കളത്തില് പോലും ഇറങ്ങാതെ ആരാധകരെ തീര്ത്തും നിരാശരാക്കിയാണ് ഗോകുലം സൂപ്പര് കപ്പിനോട് ഗുഡ്ബൈ പറഞ്ഞത്.
Delhi Dynamos have been given a walkover in their @HeroSuperCupInd qualifier as opponents @GokulamKeralaFC failed to show up. #RoarWithTheLions
— Delhi Dynamos FC (@DelhiDynamos) March 16, 2019
ഈ സീസണിലെ സൂപ്പര് കപ്പില് നിന്നും പിന്മാറുന്ന രണ്ടാമത്തെ ടീം കൂടിയാണ് ഗോകുലം. ഐ ലീഗിലെ തന്നെ മറ്റൊരു ടീമായ മിനെര്വ പഞ്ചാബ് നേരത്തേ ഇത്തരത്തില് പിന്മാറിയിരുന്നു. ഐഎസ്എല് ക്ലബ്ബായ പൂനെ സിറ്റിക്കെതിരായ കളിയില് നിന്നാണ് മിനെര്വ വിട്ടുനിന്നത്. ഇതേ തുടര്ന്ന് പൂനെയ്ക്കു പ്രീക്വാര്ട്ടറിലേക്കു വാക്കോവര് ലഭിക്കുകയായിരുന്നു.