മാഞ്ചസ്റ്റർ യുണൈറ്റഡിന്റെ കാവൽക്കാരൻ ഡേവിഡ് ഡി ഗിയക്ക് മാഞ്ചസ്റ്റർ യുണൈറ്റഡ് പ്ലയർ ഓഫ് ദി സീസൺ പുരസ്കാരം.മാഞ്ചസ്റ്റർ യുണൈറ്റഡ് ആരാധകരുടെ വോട്ടെടുപ്പിലൂടെയാണ് ഈ സീസണിലെ മികച്ച താരത്തെ കണ്ടെത്തിയത്.നാലാം തവണയാണ് ഡേവിഡ് ഡി ഗിയ ഈ പുരസ്കാരത്തിന് അർഹനാകുന്നത്.
2013 മുതൽ 2016 വരെ തുടർച്ചയായി ഡി ഗിയ ഈ പുരസ്കാരം നേടിയിരുന്നു. കഴിഞ്ഞ സീസണിൽ ഡി ഗിയയെ പിന്തള്ളി ആൻഡ്രെ ഹെരെര ഈ പുരസ്കാരം സ്വന്തമാക്കിയിരുന്നു.കൂടാതെ ഈ സീസണിലെ മികച്ച യുവ താരത്തിനുള്ള പുരസ്കാരം തഹിത്ചുങ്ങും സ്വന്തമായി.അതുപോലെ യൂണൈറ്റഡിനായി ക്രിസ്റ്റൽ പാലസിനെതിരെ നെമാൻജ മാറ്റിച്ച് നേടിയ ലോങ് റേഞ്ച് ഗോൾ ഈ സീസണിലെ മികച്ച ഗോളിനുള്ള പുരസ്കരവും സ്വന്തമാക്കി.
"ഈ ക്ലബ് എനിക്ക് നേടിത്തരുന്നത് അവിശ്വസനീയമായ കാര്യങ്ങളാണ് അതുപോലെ ഈ ക്ലബിനായി കളിക്കുകയെന്നത് വിസ്മയകരമായ കാര്യമാണ് .ഈ ക്ലബ്ബിന്റെ ചരിത്രം, ആരാധകർ, എല്ലാം വിസ്മയംതന്നെ"; ഡി ഗിയ പറഞ്ഞു.
വോട്ടെടുപ്പിൽ രണ്ടാം സ്ഥാനത്തെത്തിയ ജെസെ ലിൻഗാർഡിനെ ബഹുദൂരം പിന്നിലാക്കിയാണ് ഡി ഗിയ പുരസ്കാരം സ്വന്തമാക്കിയത്.ഡി ഗിയ 67 ശതമാനം വോട്ടുലഭിച്ചപ്പോൾ ലിൻഗാർഡിന് 10 ശതമാനവും മൂന്നാമതെത്തിയ റൊമേലു ലുക്കാക്കുവിന് 8 ശതമാനം വോട്ടുകളുമാണ് ലഭിച്ചത്.ഈ പുരസ്കാരം നേടിട്ടുള്ള ഏക ഗോൾകീപ്പറും ഡി ഗിയ തന്നെയാണ്.