ജിദ്ദ: പോര്ച്ചുഗീസ് സൂപ്പര്താരം ക്രിസ്റ്റിയാനോ റൊണാള്ഡോയുടെ ഗോളില് ഇറ്റാലിയന് സൂപ്പര്കപ്പില് റെക്കോഡിട്ട് ഇറ്റാലിയന് ചാംപ്യന്മാരായ യുവന്റസ്. സൗദി അറേബ്യയിലെ ജിദ്ദയില് നടന്ന ഗ്ലാമര് പോരില് മുന് ചാംപ്യന്മാരായ എസി മിലാനെ എതിരില്ലാത്ത ഒരു ഗോളിന് മറികടന്നാണ് യുവന്റസ് തുടര്ച്ചയായ ഏഴാം തവണയും ഇറ്റാലിയന് സൂപ്പര്കപ്പില് മുത്തമിട്ടത്.ഹെഡ്ഡറിലൂടെയായിരുന്നു റൊണാള്ഡോയുടെ വിജയഗോള് പിറന്നത്.
ഇതോടെ കിരീടനേട്ടത്തില് യുവന്റസ് എസി മിലാനെ മറികടക്കുകയായിരുന്നു. എട്ട് തവണയാണ് യുവന്റസ് ഇറ്റാലിയന് സൂപ്പര്കപ്പില് മുത്തമിട്ടത്. ഏഴ് തവണ കിരീടം നേടിയ എസി മിലാനാണ് യുവന്റസിന്റെ തൊട്ടുപിന്നില്. സെരി എ ചാംപ്യന്മാരും കോപ്പ ഇറ്റാലിയ ജേതാക്കളും തമ്മിലാണ് ഇറ്റാലിയന് സൂപ്പര്കപ്പിനായി ഏറ്റുമുട്ടുക.