ചെന്നൈ: ഐഎസ്എല്ലിന്റെ ആറാം സീസണ് ഒക്ടോബറില് ആരംഭിക്കാനിരിക്കെ മുന് ചാംപ്യന്മാരായ ചെന്നൈയ്ന് എഫ്സി ടീമില് അഴിച്ചുപണി. മൂന്നു താരങ്ങളെയാണ് ചെന്നൈ ഒഴിവാക്കിയത്. കേരള ബ്ലാസ്റ്റേഴ്സില് നിന്നും ഈ വര്ഷം ജനുവരിയില് വായ്പയിലെത്തിയ മലയാളി താരം സികെ വിനീത്, ഹാളിചരണ് നര്സറെ എന്നിവരെക്കൂടാതെ മറ്റൊരു മലയാളി താരം മുഹമ്മദ് റാഫിയെയുമാണ് ചെന്നൈ ഒഴിവാക്കിയത്.
വിന്ഡീസ് വധം... കോലിയെ കാത്ത് റെക്കോര്ഡുകള്, ധോണിക്കു രക്ഷയില്ല!! ദാദയ്ക്കും
ചെന്നൈ പുതിയ സീസണില് വേണ്ടെന്നു വച്ചതോടെ വിനീതും നര്സറെയും ബ്ലാസ്റ്റേഴ്സ് ടീമില് തിരിച്ചെത്തും. പ്രഥമ ഐഎസ്എല്ലില് ബ്ലാസ്റ്റേഴ്സ് ടീമിന്റെ ഭാഗമായിരുന്ന റാഫിയും തന്റെ പഴയ തട്ടകത്തിലേക്കു തിരിച്ചുവരുമെന്നു സൂചനയുണ്ട്. ബ്ലാസ്റ്റേഴ്സില് പ്ലെയിങ് ഇലവനില് അവസരം കുറഞ്ഞതോടയാണ് വിനീത് ചെന്നൈയിലേക്കു കൂടുമാറിയത്. പക്ഷെ ചെന്നൈക്കൊപ്പം താരത്തിന് പ്രതീക്ഷയ്ക്കൊത്തുയരാനായില്ല. 17 മല്സരങ്ങളില് നാലു ഗോളുകളാണ് വിനീതിന്റെ സമ്പാദ്യം. ഇന്ത്യന് സൂപ്പര് കപ്പില് രണ്ടും ഐഎസ്എല്ലിലും എഎഫ്സികപ്പിലും ഓരോ ഗോള് വീതവുമാണ് താരം സ്കോര് ചെയ്തത്.
The club also said goodbye to @ckvineeth and Halicharan Narzary, along with @iammohammedrafi 📢
— Chennaiyin FC 🏆🏆 (@ChennaiyinFC) August 24, 2019
Read more here, on our departing trio of attackers - https://t.co/Od9F3CQDcE#ChennaiyinFC #PoduMachiGoalu #CFCKudumbam pic.twitter.com/ZFIgFTv6qd
അതേസമയം, 2017-18 സീസണിന്റെ അവസാനത്തോടെയാണ് 37കാരനായ റാഫി ചെന്നൈയിലേക്കു ചേക്കേറിയത്. വിവിധ ഫോര്മാറ്റുകളിലായി ചെന്നൈക്കു വേണ്ടി 21 മല്സരങ്ങളില് താരം കളിച്ചിട്ടുണ്ട്. അഞ്ചു ഗോളുകളാണ് റാഫിയുടെ അക്കൗണ്ടിലുള്ളത്. ചെന്നൈക്കു വേണ്ടി നര്സറെ മൂന്നു മല്സരങ്ങളില് മാത്രമേ കളിച്ചിട്ടുള്ളൂ. പരിക്കുകാരണം പല മല്സരങ്ങളിലും അദ്ദേഹത്തിനു പുറത്തിരിക്കേണ്ടി വരികയായിരുന്നു.