ലണ്ടന്: ഇംഗ്ലീഷ് പ്രീമിയര് ലീഗില് മുന്നിരയിലുള്ള ചെല്സി, ലിവര്പൂള്, മാഞ്ചസ്റ്റര് സിറ്റി ടീമുകള്ക്ക് ഭീഷണി ഉയര്ത്തിക്കൊണ്ട് ആഴ്സണല് വിജയവഴിയില് തിരിച്ചെത്തി. തുടരെ മൂന്ന് സമനിലകള്ക്ക് ശേഷം ആഴ്സണല് 3-1ന് ബൗണ്മൗത്തിനെ കീഴടക്കി. അതേ സമയം, മാഞ്ചസ്റ്റര് യുനൈറ്റഡ് ഹോം ഗ്രൗണ്ടില് 1-1ന് വെസ്റ്റ്ഹാമിനോട് സമനിലയില് കുടുങ്ങി.
പതിമൂന്ന് മത്സരങ്ങളില് 28 പോയിന്റുള്ള ആഴ്സണല് നാലാം സ്ഥാനത്തും ഇരുപത് പോയിന്റുള്ള മാഞ്ചസ്റ്റര് യുനൈറ്റഡ് ആറാം സ്ഥാനത്തുമാണ്. ആഴ്സണലിനായി അലക്സിസ് സാഞ്ചസ് രണ്ട് തവണ വല ഇളക്കിയപ്പോള് തിയോ വാല്ക്കോട്ടും ലക്ഷ്യം കണ്ടു.
രണ്ടാം മിനുട്ടില് പിറകിലായ മാഞ്ചസ്റ്റര് യുനൈറ്റഡ് സ്വീഡിഷ് സ്ട്രൈക്കര് സ്ലാറ്റന് ഇബ്രാഹിമോവിചിലൂടെ സമനില പിടിച്ചെടുക്കുകയായിരുന്നു. പോള് പോഗ്ബക്ക് മഞ്ഞക്കാര്ഡ് കാണിച്ചതില് പ്രതിഷേധിച്ച് വെള്ളക്കുപ്പി അടിച്ചുതെറിപ്പിച്ച മാഞ്ചസ്റ്റര് കോച്ച് മൗറിഞ്ഞോയെ റഫറി ടച്ലൈനില് നിന്ന് പുറത്താക്കി.
ഗോള്നില
വാട്ഫോഡ് 0-1 സ്റ്റോക്ക്
ആഴ്സണല് 3-1 ബൗണ്മൗത്
മാഞ്ചസ്റ്റര്യുനൈറ്റഡ് 1-1 വെസ്റ്റ്ഹാം
സതംപ്ടണ് 1-0 എവര്ട്ടന്