ഡെര്‍ബിയില്‍ സ്പര്‍സിനെ തുരത്തി ഗണ്ണേഴ്‌സ്, മിന്നും ജയം... ബാഴ്‌സയും മിലാനും മുന്നേറി

ലണ്ടന്‍/ മാഡ്രിഡ്: ഇംഗ്ലീഷ് പ്രീമിയര്‍ ലീഗ് ഫുട്‌ബോളിലെ ഡെര്‍ബി പോരാട്ടത്തില്‍ ആഴ്‌സനലിന് മിന്നും ജയം, ഹോംഗ്രൗണ്ടായ എമിറേറ്റ്‌സ് സ്‌റ്റേഡിയത്തില്‍ കരുത്തരായ ടോട്ടനം ഹോസ്ട്‌സപറിനെ ഗണ്ണേഴ്‌സ് രണ്ടിനെതിരേ നാലു ഗോളുകള്‍ക്കു മുക്കുകയായിരുന്നു. 1-2നു പിന്നില്‍ നിന്ന ശേഷമാണ് സ്പര്‍സിനു മേല്‍ ആഴ്‌സനല്‍ കത്തിക്കയറിയത്. ഇരട്ടഗോളുകള്‍ നേടിയ പിയറെ എമെറിക്ക് ഔബമെയാങാണ് ഗണ്ണേഴ്‌സ് ഹീറോ. അലെക്‌സാണ്ട്രെ ലക്കാസറ്റെ, ലൂക്കാസ് ടൊറെയ്‌റ എന്നിവരാണ് മറ്റു സ്‌കോറര്‍മാര്‍. എറിക് ഡയറും ക്യാപ്റ്റന്‍ ഹാരി കെയ്‌നും ടോട്ടനത്തിന്റെ ഗോളുകള്‍ മടക്കി. ഈ ജയത്തോടെ ആഴ്‌സനല്‍ ലീഗില്‍ നാലാംസ്ഥാനത്തേക്കു കയറുകയും ചെയ്തു. ലീഗിലെ മറ്റു മല്‍സരങ്ങളില്‍ ചെല്‍സി 2-0ന് ഫുള്‍ഹാമിനെയും ലിവര്‍പൂള്‍ 1-0ന് എവേര്‍ട്ടനെയും തോല്‍പ്പിച്ചു.

സ്പാനിഷ് ലീഗില്‍ നിലവിലെ ചാംപ്യന്‍മാരായ ബാഴ്‌സലോണ ജയവുമായി ഒന്നാംസ്ഥാനം തിരിച്ചുപിടിച്ചു. ഹോം മാച്ചില്‍ വിയ്യാറയലിനെയാണ് ബാഴ്‌സ 2-0നു തോല്‍പ്പിച്ചത്. ജെറാര്‍ഡ് പിക്വെയും കാള്‍സ് അലേനയുമാണ് സ്‌കോറര്‍മാര്‍. നേരത്തേ ഒന്നാമതായിരുന്ന സെവിയ്യ സമനിലക്കുരുക്കില്‍ പെട്ടതോടെയാണ് ബാഴ്‌സ തലപ്പത്തേക്കു കയറിയത്. അലാവസാണ് സെവിയ്യയെ 1-1നു തളച്ചത്. അത്‌ലറ്റികോ മാഡ്രിഡിനെ ജിറോണയും ഇതേ സ്‌കോറിനു പിടിച്ചുനിര്‍ത്തി.

ഐഎസ്എല്‍: തോറ്റു മതിയാവാതെ ചാംപ്യന്‍മാര്‍, ചെന്നൈക്ക് ഏഴാം തോല്‍വി... എടിക്കെ കസറി

ഹോക്കി ലോകകപ്പ്; ഇന്ത്യ ബെല്‍ജിയം മത്സരം സമനിലയില്‍

ഇറ്റാലിയന്‍ ലീഗില്‍ ഇന്റര്‍മിലാനും എഎസ് റോമയും തമ്മിലുള്ള പോരാട്ടം 2-2നു സമനിലയില്‍ കലാശിച്ചു. ഓരോ തവണയും ലീഡ് വഴങ്ങിയ ശേഷമാണ് റോമ ഗോള്‍ മടക്കി സമനില കൈക്കലാക്കിയത്. മറ്റു കളിയില്‍ എസി മിലാന്‍ 2-1ന് പാര്‍മയെ തോല്‍പ്പിച്ചു. ഒരു ഗോളിനു പിന്നിട്ടുനിന്ന ശേഷമായിരുന്നു മിലാന്റെ തിരിച്ചുവരവ്. ജയതത്തോടെ മിലാന്‍ നാലാംസ്ഥാനത്തേക്കു കയറുകയും ചെയ്തു. ഫ്രഞ്ച് ലീഗില്‍ നിലവിലെ ജേതാക്കളായ പിഎസ്ജിയെ ബോര്‍ഡോ 2-2നു കുരുക്കി. സൂപ്പര്‍ താരങ്ങളായ നെയ്മറും കിലിയന്‍ എംബാപ്പെയുമാണ് പിഎസ്ജിയുടെ സ്‌കോറര്‍മാര്‍.

Teamwork produces victory, well done Diavolo! 👉🏻 https://t.co/jJNMCfeMSA
Bravi Ragazzi, bel lavoro di squadra 👉🏻https://t.co/o1kYzIu9jf#MilanParma pic.twitter.com/QQ4roiWGWq

— AC Milan (@acmilan) December 2, 2018