അബുദാബി: എഎഫ്സി ഏഷ്യന് കപ്പ് ഫുട്ബോള് ടൂര്ണമെന്റില് ഗ്രൂപ്പ് എഫിലെ രണ്ടാം മത്സരത്തില് ഉസ്ബെക്കിസ്ഥാന് ഒമാനെ തോല്പ്പിച്ചു. ഒന്നിനെതിരെ രണ്ടുഗോളുകള്ക്കായിരുന്നു ഉസ്ബെക്കസ്ഥാന്റെ ജയം. നേരത്തെ ഗ്രൂപ്പിലെ ആദ്യ മത്സരത്തില് ജപ്പാന് തുര്ക്ക്മെനിസ്ഥാനെതിരെ 3-2 എന്ന നിലയില് ജയം സ്വന്തമാക്കിയിരുന്നു.
കളിയുടെ 92-ാം മിനിറ്റില് ഉസ്ബെക്ക് താരം എഗോര് ക്രിമെറ്റ്സ് ചുവപ്പുകാര്ഡ് കണ്ട് പുറത്തായി. ടൂര്ണമെന്റിലെ ആദ്യ മാര്ച്ചിങ് ഓര്ഡറാണ് എഗോറിന് ലഭിച്ചത്. ഗള്ഫ് കപ്പ് ചാമ്പ്യനെന്ന പകിട്ടോടെയെത്തിയ ഒമാന് കളിയിലെ തോല്വി കനത്ത തിരിച്ചടിയാണ്. ഞായറാഴ്ച ഉസ്ബക്കിസ്ഥാന് തുര്ക്ക്മെനിസ്ഥാനെ നേരിടും. ജപ്പാനാണ് ഒമാന്റെ എതിരാളി.