യുവരാജിന്റെ കളി; പ്രമുഖര്‍ പറയുന്നു!

ക്രൂശിക്കരുതേ - സച്ചിന്‍

യുവരാജിന്റെ മെന്ററും അഭ്യുദയകാംക്ഷിയുമായ സ്റ്റാര്‍ ബാറ്റ്‌സ്മാന്‍ സച്ചിന്‍ തെണ്ടുല്‍ക്കര്‍ പരസ്യമായി തന്നെ യുവിക്ക് വേണ്ടി രംഗത്തെത്തി. യുവരാജിനെ എഴുതിത്തള്ളാറായിട്ടില്ല എന്നാണ് സച്ചിന്‍ പറയുന്നത്. അത് സത്യമല്ലേ?

ഷോക്കിംഗ് - ഹര്‍ഭജന്‍ സിംഗ്

ഇന്ത്യയുടെ ഏറ്റവും മികച്ച മാച്ച് വിന്നര്‍ എന്നാണ് ഭാജി യുവിയെ വിളിക്കുന്നത്. രണ്ട് ലോകകപ്പുകള്‍ നേടിയ യുവരാജിനെ ആക്രമിക്കുന്നത് ഞെട്ടിപ്പിക്കുന്നു എന്നും ഹര്‍ഭജന്‍ ട്വിറ്ററില്‍ എഴുതി.

മനുഷ്യനല്ലേ - ഗാംഗുലി

യുവരാജും മനുഷ്യനാണ്, ഒരു മോശം ദിവസം എല്ലാവര്‍ക്കും ഉണ്ടാകാം എന്നാണ് മുന്‍ ക്യാപ്റ്റന്‍ സൗരവ് ഗാംഗുലി പറയുന്നത്.

ഹാര്‍ഡ് ലക്ക് - ധോണി

യുവരാജ് മോശം ഫോമിലായിരുന്നു, എന്നിട്ടും യുവി പരമാവധി ശ്രമിച്ചു. കുറ്റം പറയാനാകില്ല എന്നാണ് ക്യാപ്റ്റന്‍ ധോണി പറയുന്നത്.

യുവരാജ് മാത്രമല്ല - യോഗ് രാജ്

ഇന്ത്യയുടെ തോല്‍വിക്ക് കാരണം യുവരാജ് മാത്രമല്ല എന്നാണ് അച്ഛന്‍ യോഗ് രാജ് സിംഗ് പറയുന്നത്.

തിരിച്ചുവരാം യുവി - പൂനം പാണ്ഡെ

ചിലപ്പോള്‍ അടിക്കും, ചിലപ്പോള്‍ പറ്റി എന്ന് വരില്ല, ഇതൊക്കെ സാധാരണം എന്നുപറഞ്ഞാണ് ഐറ്റം ഗേള്‍ പൂനം പാണ്ഡെ യുവരാജിനെ ആശ്വസിപ്പിക്കുന്നത്.

സപ്പോര്‍ട്ട് - കോലി

യുവരാജ് സിംഗിന്റെ കടുത്ത ആരാധകനും കൂട്ടുകാരനുമാണ് വിരാട് കോലി, ബാംഗ്ലൂരിന് വേണ്ടി യുവരാജിനെ മല്യ വിളിച്ചെടുത്തത് പോലും കോലിയുടെ താല്‍പര്യപ്രകാരമാണ്. എന്തായാലും കോലിയുടെ സപ്പോര്‍ട്ട് യുവരാജിനുണ്ടാകും.