തനിക്ക് വളരെ പ്രിയപ്പെട്ട വിഭവങ്ങളിലൊന്നാണ് ചക്കയെന്നു യൂസുഫ് പറയുന്നു. മുറിയിലിരുന്ന് ചക്ക തിന്നുന്നതിന്റെ ചിത്രം തന്റെ ഫേസ്ബുക്ക് പേജില് താരം പോസ്റ്റ് ചെയ്തിരുന്നു. പെട്ടെന്നു തന്നെ ഇതു വൈറലാവുകയും ചെയ്തു.
വളരെ രുചികമാണ് ചക്കയെന്നും എത്ര കഴിച്ചിട്ടും തനിക്കു ഇതു മതിയാവുന്നില്ലെന്നും യൂസുഫ് ചിത്രത്തോടൊപ്പം പോസ്റ്റ് ചെയ്തിട്ടുമുണ്ട്. ഐപിഎല്ലില് കൊല്ക്കത്തയ്ക്കെതിരായ മല്സരത്തിനു ശേഷമുള്ള ചിത്രമാണ് താരം പോസ്റ്റ് ചെയ്തത്.
തനിച്ചു റൂമില് വച്ചു ചക്ക കഴിക്കുന്ന ചിത്രം മാത്രമല്ല ടീമംഗമായ ഉന്മുക്ത് ചാന്ദിനോടൊപ്പം ആസ്വദിച്ച് യൂസുഫ് ചക്ക കഴിക്കുന്ന ചിത്രവും പുറത്തുവന്നിട്ടുണ്ട്.
ഐപിഎല്ലില് മിന്നും താരമാണെങ്കിലും യൂസുഫ് ഇപ്പോള് ഇന്ത്യന് ടീമിനു പുറത്താണ്. നേരത്തേ ബാറ്റ്സ്മാനായും ബൗളറായും തിളങ്ങിയ താരത്തിന് പിന്നീട് ഫോം നഷ്ടമായത് ദേശീയ ടീമിലെ സ്ഥാനം തെറിപ്പിക്കുകയായിരുന്നു.