Click it and Unblock the Notifications
ബാറ്റിംഗ് കരുത്തില് ഇന്ത്യ
ഏഷ്യാകപ്പില് ഇന്ത്യയുടെ ലോവര് മിഡില് ഓര്ഡര് ബാറ്റിംഗ് ഇനിയും പരിക്ഷിക്കപ്പെട്ടിട്ടില്ല. മുന്നിര തകര്ന്നുപോയ പാകിസ്താനെതിരായ മത്സരത്തിലും ഇന്ത്യ വലിയ പരിക്കില്ലാതെ രക്ഷപ്പെട്ടു. രോഹിത് ശര്മ, വിരാട് കോലി, യുവരാജ് സിംഗ്, റെയ്ന എന്നിവരുടെ ഫോം തന്നെയാണ് ഇന്ത്യയുടെ കരുത്ത്.
ബൗളിംഗും കസറുന്നു
ആശിഷ് നെഹ്റയുടെ പരിചയസമ്പത്ത്, ഭുമ്രയുടെ ഊര്ജസ്വലത, പാണ്ഡ്യയുടെ ആവേശം എന്നിവയ്ക്കൊപ്പം അശ്വിന്, ജഡേജ, യുവരാജ് എന്നിവരുടെ സ്പിന് കൂടി ചേരുന്നതോടെ ഇന്ത്യയുടെ ബൗളിംഗ് ഡിപ്പാര്ട്ട്മെന്റും തകര്പ്പന് ഫോമിലാണ്.
ബംഗ്ലാദേശ് മെച്ചപ്പെട്ടു
ഫാസ്റ്റ് ബൗളിംഗിലെ പുരോഗതിയാണ് ബംഗ്ലാദേശിനെ ആരും പേടിക്കുന്ന ഒരു ടീമാക്കി മാറ്റുന്നത്. അല് അമീന് ഹുസൈന്, ടസ്കിന് അഹമ്മദ്, ക്യാപ്റ്റന് മഷ്റഫി മൊര്ത്താസ എന്നിവരാണ് ബംഗ്ലാദേശിന്റെ ബൗളിംഗ് നയിക്കുന്നത്
ബാറ്റിംഗും ശ്രദ്ധിക്കണം
വെടിക്കെട്ട് ബാറ്റ്സ്മാന് തമിം ഇഖ്ബാല് വലിയ ഫോമിലല്ല. എന്നാല് യുവതാരം സാബിര് റഹ്മാന് മികച്ച രീതിയില് കളിക്കുന്നു. സൗമ്യ സര്ക്കാറിനൊപ്പം പരിചയസമ്പന്നരായ ഷക്കീബും മുഷ്ഫിക്കറും കൂടി ചേരുന്നതോടെ ബംഗ്ലാ ബാറ്റിംഗ് നിര മികച്ച സ്കോറുയര്ത്താന് മതിയാകും.
ഇനി നേരെ ലോകകപ്പിലേക്ക്
ട്വന്റി 20 ലോകകപ്പിന് മുമ്പായി ഇനി ഇന്ത്യന് ടീമിന് വേറെ കളികളൊന്നും ഇല്ല. മാര്ച്ച് 19ന് ധരംശാലയില് പാകിസ്താനെതിരെയാണ് ഇന്ത്യന് ടീമിന്റെ അടുത്ത മത്സരം.
ഞായറാഴ്ച 7 മണിക്ക്
ഞായറാഴ്ച രാത്രി 7 മണിക്ക് മിര്പൂരിലെ ഷേര് ഇ ബംഗ്ലാ സ്റ്റേഡിയത്തിലാണ് പ്രഥമ ഏഷ്യാകപ്പ് ട്വന്റി 20 ഫൈനല്. ആതിഥേയരായ ബംഗ്ലാദേശും കരുത്തരായ ഇന്ത്യയും ഏറ്റുമുട്ടുമ്പോള് ഗാലറികള് നിറഞ്ഞുകവിയുമെന്ന് പ്രതീക്ഷ
Continue with Google