Click it and Unblock the Notifications
രോഹിത് ശര്‍മ
ഇന്ത്യന്‍ വെടിക്കെട്ട് ഓപ്പണര്‍ രോഹിത് ശര്‍മ മൂന്ന് തവണയാണ് ഈ നേട്ടത്തിലെത്തിയത്. 11 മത്സരത്തില്‍ നിന്ന് 1030 റണ്‍സ് രോഹിത് അടിച്ചെടുത്തു. ഇന്ത്യന്‍ താരങ്ങളില്‍ മുന്നില്‍ രോഹിതാണ്. 64.37 ശരാശരിയിലാണ് രോഹിതിന്റെ പ്രകടനം. ഇതില്‍ നാല് സെഞ്ച്വറിയും രണ്ട് അര്‍ധ സെഞ്ച്വറിയും ഉള്‍പ്പെടും. ദക്ഷിണാഫ്രിക്കയ്‌ക്കെതിരേ നേടിയ 212 റണ്‍സാണ് ഉയര്‍ന്ന സ്‌കോര്‍,ദക്ഷിണാഫ്രിക്കയ്‌ക്കെതിരേ തന്നെ നേടിയ 176 റണ്‍സാണ് രണ്ടാമത്തെ ഉയര്‍ന്ന സ്‌കോര്‍. ഇംഗ്ലണ്ടിനെതിരേ 161 റണ്‍സും രോഹിത് സ്വന്തമാക്കി. ന്യൂസീലന്‍ഡിനെതിരേ ഇതുവരെ ടെസ്റ്റ് സെഞ്ച്വറി നേടാന്‍ രോഹിതിനായിട്ടില്ല.
മാര്‍നസ് ലാബുഷെയ്ന്‍
ഓസീസ് താരം മാര്‍നസ് ലാബുഷെയ്‌നും മൂന്ന് തവണ 150ലധികം റണ്‍സ് നേടിയിട്ടുണ്ട്. ഇതില്‍ ഒരു ഇരട്ട സെഞ്ച്വറിയും ഉള്‍പ്പെടും. 72.82 ശരാശരിയില്‍ 1675 റണ്‍സാണ് അദ്ദേഹം നേടിയത്. ഇതില്‍ അഞ്ച് സെഞ്ച്വറിയും ഒമ്പത് അര്‍ധ സെഞ്ച്വറിയും ഉള്‍പ്പെടും. ന്യൂസീലന്‍ഡിനെതിരേ നേടിയ 215 റണ്‍സാണ് ഉയര്‍ന്ന സ്‌കോര്‍. പാകിസ്താനെതിരേ 185,162 എന്നിങ്ങനെയാണ് അദ്ദേഹത്തിന്റെ ഉയര്‍ന്ന രണ്ട് പ്രകടനങ്ങള്‍.
ജോ റൂട്ട്
ഇംഗ്ലണ്ട് ടെസ്റ്റ് നായകന്‍ ജോ റൂട്ടും മൂന്ന് തവണ 150ലധികം റണ്‍സ് നേടിയിട്ടുണ്ട്. ഇതില്‍ രണ്ട് ഇരട്ട സെഞ്ച്വറി പ്രകടനവും ഉള്‍പ്പെടും. 47.72 ശരാശരിയില്‍ 1660 റണ്‍സാണ് റൂട്ട് നേടിയത്. ടൂര്‍ണമെന്റില്‍ ഏവേ മത്സരത്തില്‍ മൂന്ന് സെഞ്ച്വറി നേടിയ ഏക താരം റൂട്ടാണ്. ശ്രീലങ്കയ്‌ക്കെതിരേ 228,186 ഇന്ത്യക്കെതിരേ 218 എന്നിങ്ങനെയാണ് അദ്ദേഹത്തിന്റെ ഉയര്‍ന്ന സ്‌കോര്‍.
