Click it and Unblock the Notifications
ഫവാദ് അലം
പാകിസ്താന് താരം ഫവാദ് അലം കണ്വേര്ഷന് റേറ്റില് 100 ശതമാനം ആണെന്ന് പറയാം. ടെസ്റ്റ് ചാമ്പ്യന്ഷിപ്പിന്റെ ഭാഗമായി ആറ് മത്സരം കളിച്ചു. അതില് 11 ഇന്നിങ്സില് നിന്ന് 320 റണ്സാണ് താരം നേടിയത്. ഇതില് രണ്ട് സെഞ്ച്വറിയും ഉള്പ്പെടും. അദ്ദേഹം അര്ധ സെഞ്ച്വറിയപ്പോഴെല്ലാം അത് സെഞ്ച്വറിയാക്കി മാറ്റാന് ഫവാദിന് സാധിച്ചിരുന്നു. 35.55 ആണ് ശരാശരി. രണ്ട് തവണ ഫവാദ് പുറത്താവാതെയും തുടര്ന്നു.
മൊമിനുല് ഹഖ്
ബംഗ്ലാദേശിന്റെ മൊമിനുല് ഹഖിനും 100 ശതമാനം കണ്വേര്ഷന് റേറ്റുണ്ട്. ഏഴ് മത്സരങ്ങളില് നിന്ന് 534 റണ്സാണ് അദ്ദേഹം നേടിയത്. ഇതില് രണ്ട് സെഞ്ച്വറിയും ഉള്പ്പെടും. 40 ആണ് ശരാശരി. 127 റണ്സാണ് ഉയര്ന്ന സ്കോര്. നിലയുറപ്പിച്ച് അര്ധ സെഞ്ച്വറി നേടിയപ്പോഴെല്ലാം സെഞ്ച്വറിയിലേക്കത് എത്തിക്കാന് മൊമിനുല് ഹഖിനും സാധിച്ചിരുന്നു.
കെയ്ന് വില്യംസണ്
ന്യൂസീലന്ഡ് നായകന് കെയ്ന് വില്യംസന് 75 ശതമാനമാണ് കണ്വേര്ഷന് റേറ്റ്. കിവീസിനെ ഫൈനലിലെത്തിച്ചതില് വില്യംസണിന്റെ ബാറ്റിങ് മികവ് വളരെ നിര്ണ്ണായകമായിരുന്നു. 14 ഇന്നിങ്സില് നിന്ന് 817 റണ്സാണ് അദ്ദേഹം നേടിയത്. ഇതില് മൂന്ന് സെഞ്ച്വറിയും രണ്ട് അര്ധ സെഞ്ച്വറിയും ഉള്പ്പെടും. അര്ധ സെഞ്ച്വറി നേടിയ മിക്ക ഇന്നിങ്സുകളിലും അത് സെഞ്ച്വറിയാക്കാന് അദ്ദേഹത്തിന് സാധിച്ചു.
ഡേവിഡ് വാര്ണര്
ഓസീസ് ഓപ്പണര് ഡേവിഡ് വാര്ണറിനും 75 ശതമാനമാണ് കണ്വേര്ഷന് റേറ്റ്. 12 മത്സരത്തില് നിന്ന് 948 റണ്സാണ് വാര്ണര് നേടിയത്. അതില് മൂന്ന് സെഞ്ച്വറിയും ഒരു ഫിഫ്റ്റിയും ഉള്പ്പെടും. 47.40 എന്ന മികച്ച ശരാശരി വാര്ണര്ക്കുണ്ട്. പാകിസ്താനെതിരേ പുറത്താവാതെ 335 റണ്സ് അദ്ദേഹം നേടിയിരുന്നു.
ഷാന് മസൂദ്
പാകിസ്താന് താരം ഷാന് മസൂദിന്റെയും കണ്വേര്ഷന് റേറ്റ് 75 ശതമാനമാണ്. 17 ഇന്നിങ്സില് നിന്ന് 34.41 ശരാശരിയില് 585 റണ്സാണ് അദ്ദേഹം നേടിയത്. ഇതില് മൂന്ന് സെഞ്ച്വറിയും ഒരു അര്ധ സെഞ്ച്വറിയും ഉള്പ്പെടും. ഒരു തവണ മാത്രമാണ് അര്ധ സെഞ്ച്വറി നേടിയിട്ട് അദ്ദേഹത്തിന് സെഞ്ച്വറിയാക്കാന് സാധിക്കാതെ പോയത്.
Continue with Google