യുഎഇക്കെതിരെ ഷമിയില്ല; ഇന്ത്യയ്ക്ക് വന്‍ തിരിച്ചടി

ഇന്ത്യയുടെ സൂപ്പര്‍ ബൗളര്‍

രണ്ട് കളിയില്‍ 6 വിക്കറ്റ് എന്ന കണക്ക് മാത്രം മതി ലോകകപ്പില്‍ ഷമി ഇന്ത്യയ്ക്ക് എത്ര വിലപ്പെട്ടവനാണ് എന്നറിയാന്‍. ന്യൂബോള്‍ കിട്ടിയതോടെ ഷമി ആകെ മാറി. 140 ന് മേല്‍ വേഗതയും കണിശതയുമാണ് ഷമിയുടെ കരുത്ത്.

ഇക്കോണമി കണ്ടാല്‍ ഞെട്ടും

തല്ല് വാങ്ങി മടുക്കുന്നവരെന്നാണ് ഇന്ത്യന്‍ ബൗളര്‍മാരുടെ വിശേഷണം. എന്നാല്‍ ലോകകപ്പില്‍ ഷമിയുടെ ഇക്കോണമി നോക്കൂ. വെറും 3.82. ശരാശരി 10.8 17 ഓവര്‍ പന്തെറിഞ്ഞ ഷമി 65 റണ്‍സ് മാത്രമാണ് വിട്ടുകൊടുത്തത്. ഇതില്‍ രണ്ട് മെയ്ഡന്‍.

ബെസ്റ്റ് പാകിസ്താനെതിരെ

വെങ്കിടേഷ് പ്രസാദിനെ പോലെ തന്നെ പാകിസ്താനെതിരെ മികച്ച പ്രകടനം പുറത്തെടുത്ത ബൗളറാണ് ഷമി. 34 റണ്‍സിന് 4 വിക്കറ്റ് വീഴ്ത്തി. സെഞ്ചുറി നേടിയ കോലി മാന്‍ ഓഫ് ദ മാച്ചായെങ്കിലും ഇന്ത്യയെ കളി ജയിപ്പിച്ചത് ഷമിയാണ്.

നിലവില്‍ ഒന്നാം നമ്പര്‍

നിലവില്‍ ഇന്ത്യയുടെ ഒന്നാം നമ്പര്‍ ബൗളറാണ് ഷമി. 42 ഏകദിനത്തില്‍ നിന്നും 76 വിക്കറ്റുകള്‍ ഷമിയുടെ പേരിലുണ്ട്. 24 വയസ്സേ ആയിട്ടുള്ളൂ ഷമിക്ക്.

പകരം ആര് വരും

ഭുവനേശ്വര്‍ കുമാര്‍ ഷമിക്ക് പകരം വരും എന്നാണ് പ്രതീക്ഷിക്കപ്പെടുന്നത്. സ്വിംഗില്‍ മികച്ചവനാണെങ്കിലും ഷമിയുടെ വേഗത ഭുവിക്കില്ല.

യാദവിന് പണി കൂടും

ഉമേഷ് യാദവ് വിട്ടുകൊടുക്കുന്ന റണ്‍സുകള്‍ ഷമിയുടെ മികച്ച ഓവറുകളാണ് അഡ്ജസ്റ്റ് ചെയ്ത് പോന്നിരുന്നത്. ഷമി ഇല്ലാതാകുന്നതോടെ ഓപ്പണര്‍ ഉമേഷ് യാദവിന് ഇരട്ടിപ്പണിയാകും.