105*, 117*, 104, 124: സങ്കക്കാരയ്ക്ക് റെക്കോര്‍ഡ് സെഞ്ചുറികള്‍!

തുടര്‍ച്ചയായ 4 സെഞ്ചുറികള്‍. അതും ലോകകപ്പ് ക്രിക്കറ്റില്‍. ശ്രീലങ്കയുടെ കുമാര്‍ സങ്കക്കാര എന്ന ഇടങ്കയ്യന്‍ ബാറ്റ്‌സ്മാന്‍ അത്ഭുതക്കളി തുടരുകയാണ്. ഗ്രൂപ്പ് എയില്‍ സ്‌കോട്‌ലന്‍ഡിനെതിരെ ആണ് സങ്ക ലോകകപ്പിലെ തന്റെ നാലാമത്തെ സെഞ്ചുറി പൂര്‍ത്തിയാക്കിയത്. ഗ്രൂപ്പില്‍ ലങ്കയുടെ അവസാനത്തെ കളിയാണ് ഇത്.

86 പന്തില്‍ 9 ഫോറും 3 സിക്‌സും ചന്തം ചാര്‍ത്തിയ സങ്കയുടെ തുടര്‍ച്ചയായ നാലാം സെഞ്ചുറിക്ക്. കൂട്ടുകാരന്‍ ദില്‍ഷനും വെറുതെയാക്കിയില്ല. ദില്‍ഷനും അടിച്ചു ലോകകപ്പില്‍ നാലാമത്തെ സെഞ്ചുറി. തുടര്‍ച്ചയായി അല്ല എന്ന് മാത്രം. സങ്കക്കാരയുടെ ഈ ലോകകപ്പിലെ അത്ഭുത പ്രകടനം ഇങ്ങനെയാണ്.

തുടക്കം ബംഗ്ലാദേശിനോട്

ബംഗ്ലാദേശിനെതിരെ 105 നോട്ടൗട്ടോടെയാണ് സങ്ക ലോകകപ്പിലെ സെഞ്ചുറി പരമ്പര തുടങ്ങിയത്. കളി ലങ്ക ജയിച്ചു

ഇംഗ്ലണ്ടിനോടും

ഇംഗ്ലണ്ടിനെതിരെയായിരുന്നു അടുത്ത 100. നൂറല്ല 117 നോട്ടൗട്ട്. ആ കളിയും ലങ്ക തന്നെ ജയിച്ചു

ഓസ്‌ട്രേലിയയോട് തോറ്റു

മാര്‍ച്ച് എട്ടിന് ഓസ്‌ട്രേലിയയ്‌ക്കെതിരായ സെഞ്ചുറിയോടെ സങ്ക പുതിയ റെക്കോര്‍ഡിട്ടു. പക്ഷേ കളി ശ്രീലങ്ക തോറ്റുപോയി

സ്‌കോട്‌ലന്‍ഡിനെതിരെ വീണ്ടും

വെറും 89 പന്തിലാണ് സങ്ക സ്‌കോട്‌ലന്‍ഡിനെതിരെ മൂന്നക്കത്തിലെത്തിയത്. ഇതൊരു സര്‍വ്വകാല ലോകറെക്കോര്‍ഡ് കൂടിയാണ്..