മഗ്രാത്തിന്റെ പ്രചചനം
ലോകകപ്പ് നേടാന് ഏറ്റവും കൂടുതല് സാധ്യത ഇന്ത്യയ്ക്കും ഇംഗ്ലണ്ടിനുമാണെന്ന് ഓസീസ് ക്രിക്കറ്റ് ഇതിഹാസം ഗ്ലെന് മഗ്രാത്ത് പറയുന്നു. സമീപകാലത്തെ സ്ഥിരതയാര്ന്ന പ്രകടനമാണ് മഗ്രാത്തിന്റെ പ്രവചനത്തിന്റെ അടിസ്ഥാനം. എന്നിരുന്നാലും ഇന്ത്യയില് ഏകദിന പരമ്പര നേടിയ ഓസ്ട്രേലിയയ്ക്ക് ലോകകപ്പില് മികച്ച അവസരമുണ്ടെന്നും മഗ്രാത്ത് വിലയിരുത്തി.
ഓസ്ട്രേലിയയ്ക്കും സാധ്യത
ഇംഗ്ലണ്ടും ഇന്ത്യയും തന്നെയാണ് തന്റെ ഫേവറിറ്റുകള്. എന്നാല്, വെസ്റ്റിന്ഡീസില് ഇംഗ്ലണ്ടനും ഓസ്ട്രേലിയയക്കെതിരെ ഇന്ത്യയ്ക്കും പൂര്ണ മികവിലെത്താന് കഴിഞ്ഞിട്ടില്ല. അതുകൊണ്ടുതന്നെ ലോകകപ്പ് കടുത്ത പോരാട്ടമായി മാറും. ഇന്തയ്ക്കെതിരായ പരമ്പര നേട്ടത്തോടെ ഓസ്ട്രേലിയയുടെ സാധ്യത വര്ധിച്ചിട്ടുണ്ട്. ഓസ്ട്രേലിയയുടെ ആത്മവിശ്വാസം വര്ധിക്കാനും ഈ പരമ്പര നേട്ടം ഇടയാക്കുമെന്ന് മഗ്രാത്ത് പറഞ്ഞു.
ബുംറയും വിരാട് കോലിയം
ഇന്ത്യ ലോകകപ്പ് നേടണമെങ്കില് ബൗളര്മാര് ഏറെ പരിശ്രമിക്കേണ്ടതുണ്ട്. ജസ്പ്രീത് ബുംറയുടെ പന്തേറ് നിലവാരമുള്ളതാണ്. യോര്ക്കറുകള് എറിയുന്ന താരത്തിന് റിവേഴ്സ് സ്വിങ് കൂടി ലഭിച്ചാല് അപടകാരിയാകും. വിരാട് കോലിയുടെ ക്ലാസും ഇന്ത്യയ്ക്ക് നേട്ടമാകുമെന്നാണ് കരുതുന്നത്. ക്യാപ്റ്റനെന്ന നിലയില് കോലി ഏറെ മെച്ചപ്പെട്ടതായും മഗ്രാത്ത് വിലയിരുത്തി.