ഈ 10 കാര്യങ്ങള്‍ കൃത്യമായി, പാവം ദക്ഷിണാഫ്രിക്ക വീണു!

By Kishor

Updated: Monday, February 23, 2015, 14:30 [IST]

ദക്ഷിണാഫ്രിക്കയെ ഇന്ത്യ തോല്‍പിച്ചു. അതും 130 റണ്‍സിന്. എങ്ങനെയാണ് ഇന്ത്യ സാധ്യമാക്കിയത്. സച്ചിനും ദ്രാവിഡും ഗാംഗുവലിയും കുംബ്ലെയും കളിച്ചിരുന്ന കാലത്ത് പോലും ദക്ഷിണാഫ്രിക്കയെ ലോകകപ്പില്‍ ഒന്ന് തോല്‍പിക്കാന്‍ ഇന്ത്യയ്ക്ക് കഴിഞ്ഞിരുന്നില്ല. പക്ഷേ ഈ ഇന്ത്യന്‍ ടീം അത്ഭുതം കാട്ടി.

രണ്ട് ഞായറാഴ്ച. രണ്ട് വന്‍ വിജയങ്ങള്‍. രണ്ട് മാസമായി ഓസ്‌ട്രേലിയയില്‍ ക്രിക്കറ്റ് കളിച്ചുകിട്ടിയ പരിചയം ഇന്ത്യയെ വല്ലാതെ സഹായിക്കുന്നുണ്ട് എന്നത് വ്യക്തം. ഈ വിജയത്തിന് പിന്നില്‍ പറയാന്‍ പല കാരണങ്ങളുണ്ട്. അതില്‍ കളി തിരിച്ച 10 എണ്ണം ഇതാ.

കാണികള്‍

ദക്ഷിണാഫ്രിക്കയ്‌ക്കെതിരെ ഇന്ത്യ കളിച്ചത് 12 പേരുമായിട്ടാണ്. മെല്‍ബണില്‍ തിങ്ങിക്കൂടിയ ഒരുലക്ഷത്തോളം വന്ന കാണികള്‍ ഇന്ത്യയ്ക്ക് വേണ്ടി അലറി വിളിച്ചു. മാന്‍ ഓഫ് ദ മാച്ച് ശിഖര്‍ ധവാന്‍ ഈ സപ്പോര്‍ട്ടിനെ കുറിച്ച് എടുത്തുപറഞ്ഞു.

ശിഖര്‍ ധവാന്‍

ആദ്യകളിയില്‍ കൈവിട്ട സെഞ്ചുറി ധവാന്‍ അടിച്ചെടുത്തു. ശിഖര്‍ ധവാന്റെ കരിയര്‍ ബെസ്റ്റാണ് ഈ 137.

അജിന്‍ക്യ രഹാനെ

വെറും 60 പന്തിലാണ് രഹാനെ 79 റണ്‍സടിച്ചത്, ഏഴ് ഫോറും 3 സിക്‌സും പറത്തിയാണ് രഹാനെ ഇന്ത്യയെ മാന്യമായ സ്‌കോറിലെത്തിച്ചത്.

300 + :

ഡെയ്ല്‍ സ്‌റ്റെയ്‌നെപ്പോലെ ഒരു ബൗളറുള്ള ദക്ഷിണാഫ്രിക്കയ്‌ക്കെതിരെ 300 ന് മുകളില്‍ റണ്‍സടിച്ചത് ഇന്ത്യയ്ക്ക് മാനസികമായ മുന്‍തൂക്കം നല്‍കി

കളി തിരിച്ച കൂട്ടുകെട്ടുകള്‍

ധവാന്‍ - കോലി, ധവാന്‍ - രഹാനെ ഈ രണ്ട് സെഞ്ചുറി കൂട്ടുകെട്ടുകളാണ് കളി ഇന്ത്യയുടെ വരുതിയിലെത്തിച്ചത്.

ഡിവില്ലിയേഴ്‌സിന്റെ റണ്ണൗട്ട്

30 റണ്‍സെടുത്ത ഡിവില്ലിയേഴ്‌സിനെ റണ്ണൗട്ടാക്കാന്‍ പറ്റിയത് ഇന്ത്യയ്ക്ക് കുറച്ചൊന്നുമല്ല സഹായകമായത്. ഡിവില്ലിയേഴ്‌സ് കുറച്ചുനേരം കൂടി നിന്നിരുന്നെങ്കില്‍ കളി വേറൊന്നായേനെ.