ഏകദിനത്തില്‍ വനിതാ ടീം നേടിയത് 596 റണ്‍സ്; എതിരാളികള്‍ 25 റണ്‍സിന് പുറത്ത്

അഡ്‌ലെയ്ഡ്: ഓസ്‌ട്രേലിയയിലെ അഡ്‌ലെയ്ഡില്‍ നടന്ന ഒരു വനിതാ ക്രിക്കറ്റ് മത്സരത്തിന്റെ സ്‌കോര്‍ബോര്‍ഡ് ആരാധകരെ ഞെട്ടിക്കുമെന്നുറപ്പാണ്. സംസ്ഥാനതല സൂപ്പര്‍വുമണ്‍ ഗ്രേഡ് മത്സരത്തില്‍ നോര്‍ത്തേണ്‍ ഡിസ്ട്രിക്ട്‌സ്, പോര്‍ട്ട് അഡ്‌ലെയ്ഡിനെ തോല്‍പ്പിച്ചത് 571 റണ്‍സിന്. നിശ്ചിത 50 ഓവറില്‍ നോര്‍ത്തേണ്‍ ഡിസ്ട്രിക്ട്‌സ് മൂന്നു വിക്കറ്റ് നഷ്ടത്തില്‍ 596 റണ്‍സെടുത്തപ്പോള്‍ എതിരാളികള്‍ കേവലം 25 റണ്‍സിന് പുറത്തായി.

വിന്‍ഡീസിനെതിരായ പരമ്പര: ഏകദിനത്തില്‍ പൃഥ്വി വേണ്ട!! കാരണമുണ്ട്... ഒന്നിലേറെ

നോര്‍ത്തേണ്‍ ഡിസ്ട്രിക്ട്‌സിനുവേണ്ടി നാല് താരങ്ങളാണ് സെഞ്ച്വറി നേടിയത്. തെഗാന്‍ മക്ഫര്‍ലിന്‍ 80 പന്തില്‍ 136 റണ്‍സും, തമിബ സാവില്ലെ 56 പന്തില്‍ 120 റണ്‍സും, സാം ബെറ്റ്‌സ് പുറത്താകാതെ 71 പന്തില്‍ 124 റണ്‍സും, ഡാര്‍സി പുറത്താകാതെ 84 പന്തില്‍ 117 റണ്‍സുമെടുത്തു. ടീം 64 ഫോറുകള്‍ നേടിയപ്പോള്‍ വെറും 3 സിക്‌സറുകള്‍ മാത്രമേ ഉണ്ടായിരുന്നുള്ളൂ. 88 റണ്‍സ് എക്ട്രാ വഴിയും ടീമിന് ലഭിച്ചു. ഇതില്‍ 75 വൈഡുകളും ഉള്‍പ്പെടുന്നു.

photo

മറുപടി ബാറ്റിങ്ങിനിറങ്ങിയ പോര്‍ട്ട് അഡ്‌ലെയ്ഡ് ടീമിന് 10.5 ഓവറിനപ്പുറം ബാറ്റ് ചെയ്യാനായില്ല. തങ്ങള്‍ മികച്ച കളിയാണ് കാഴ്ചവെച്ചതെന്ന് മത്സരശേഷം മക്ഫര്‍ലിന്‍ പറഞ്ഞു. റെക്കോര്‍ഡുകളൊന്നും ശ്രദ്ധിച്ചില്ല. സ്വാഭാവിക കളിയാണ് പുറത്തെടുത്തത്. കൂറ്റനടികളിലൂടെയല്ലാതെയാണ് കൂടുതല്‍ റണ്‍സ് വന്നതെന്നത് കാണാമെന്നും അവര്‍ പറഞ്ഞു. നേരത്തെ, ശ്രീലങ്കന്‍ വനിതാ ടീം കന്ദ്യന്‍ ലേഡീസ് 2007ല്‍ 50 ഓവറില്‍ നാലു വിക്കറ്റ് നഷ്ടത്തില്‍ 632 റണ്‍സെടുത്ത് ലോക റെക്കോര്‍ഡ് സ്ഥാപിച്ചിരുന്നു. എതിരാളികളായ പുഷ്പധന ലേഡീസിനെ 18 റണ്‍സിന് പുറത്താക്കിയ ടീം 614 റണ്‍സിന്റെ വിജയമാഘോഷിക്കുകയും ചെയ്തു.

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

    ക്രിക്കറ്റ് ഇഷ്ടമാണോ? എന്നാല്‍ അതു തെളിയിക്കൂ, മൈഖേല്‍ ഫാന്റസി ക്രിക്കറ്റ് കളിയ്ക്കൂ

    Story first published: Tuesday, October 16, 2018, 12:23 [IST]
    Other articles published on Oct 16, 2018
    ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
    POLLS

    myKhel ലില്‍ നിന്നും ഏറ്റവും പുതിയ വാര്‍ത്തകള്‍ അറിയാന്‍

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more