ശ്രീശാന്തിനെ പരിഗണിയ്ക്കാന്‍ ബിസിസിഐ തയ്യാര്‍... വല്ലതും നടക്കുമോ?

ബിസിസിഐ പരിഗണിയ്ക്കും

വിലക്ക് നീക്കണം എന്ന ശ്രീശാന്തിന്റെ അപേക്ഷ ബിസിസിഐ പരിഗണിയ്ക്കുമെന്ന് സെക്രട്ടറി അനുരാഗ് ഠാക്കൂര്‍ എംപിയാണ് അറിയിച്ചത്. എന്നായിരിയ്ക്കും ഇത്?

പ്രത്യേക യോഗം

ശ്രീശാന്തിന്റേയും മറ്റുള്ളവരുടേയും വിലക്ക് നീക്കുന്ന കാര്യം ചര്‍ച്ച ചെയ്യാന്‍ വേണമെങ്കില്‍ പ്രത്യേക പ്രവര്‍ത്തക സമിതി യോഗം തന്നെ വിളിച്ച് ചേര്‍ക്കും എന്നാണ് അദ്ദേഹം അറിയിച്ചിട്ടുള്ളത്.

കെസിഎയുടെ അപേക്ഷ

ശ്രീശാന്തിന്റെ വിലക്ക് നീക്കണം എന്നാവശ്യപ്പെട്ട് കേരള ക്രിക്കറ്റ് അസോസിയേഷന്‍ ബിസിസിഐയ്ക്ക് കത്ത് നല്‍കിയിട്ടുണ്ട്. ഇക്കാര്യത്തില്‍ ഔദ്യോഗികമായി മറുപടിയൊന്നും കിട്ടിയിട്ടില്ല.

പരിശീലനം തുടങ്ങാന്‍

അന്താരാഷ്ട്ര ക്രിക്കറ്റ് സ്റ്റേഡിയങ്ങളിലൊന്നും നിലവില്‍ ശ്രീശാന്തിന് പരിശീലനം പോലും നടത്താന്‍ കഴിയില്ല. വിലക്ക നീക്കാതെ ഫസ്റ്റ് ക്ലാസ്സ് ക്രിക്കറ്റിലും കളിയ്ക്കാനാവില്ല.

കേസ് കൊടുക്കാം

ബിസിസിഐ വിലക്ക് നീക്കാത്തതിനെതിരെ ശ്രീശാന്തിന് വേണമെങ്കില്‍ കോടതിയെ സമീപിയ്ക്കാം. എന്നാല്‍ പിന്നീടങ്ങോട്ട് ബിസിസിഐയുടെ സമീപനം എങ്ങനെ ആയിരിയ്ക്കുമെന്ന് ഊഹിയ്ക്കാമല്ലോ.