മഹത്തായ നേട്ടങ്ങള്
കോലി ക്യാപ്റ്റനും ശാസ്ത്രി കോച്ചായും വന്ന ശേഷം മഹത്തായ ചില നേട്ടങ്ങള് കൈവരിക്കാന് ടീം ഇന്ത്യയ്ക്കായിട്ടുണ്ട്. ഇക്കൂട്ടത്തില് ഏറ്റവും അഭിമാനകരമായ നിമിഷം 2018-19ലെ ഓസ്ട്രേലിയന് പര്യടനത്തിലെ അവിസ്മരണീയ വിജയമായിരുന്നു. ഓസ്ട്രേലിയന് മണ്ണില് ആദ്യമായി ടെസ്റ്റ് പരമ്പര സ്വന്തമാക്കാന് ഇന്ത്യക്കായിരുന്നു.
ഇന്ത്യയുടെ നിലവിലെ പേസ് ബൗളിങ് നിരയെ എക്കാലത്തെയും മികച്ച പേസ് നിരയെന്നാണ് ചൂണ്ടിക്കാണിക്കപ്പെടുന്നത്.
കോലിക്ക് ഇടം നല്കുന്നു
ക്യാപ്റ്റനെന്ന നിലയില് കോലിക്ക് ആവശ്യമുള്ള ഇടം നല്കാന് എല്ലായ്പ്പോഴും ശാസ്ത്രി ശ്രമക്കാറുണ്ട്. ശാസ്ത്രി ഏതു തരത്തിലുള്ള വ്യക്തിയാണെന്നും അദ്ദേഹത്തില് നിന്നും എന്തൊക്കെ തങ്ങള്ക്കു നേടിയെടുക്കാന് കഴിയുമെന്നും കോലിക്കു നല്ല ബോധ്യമുണ്ടെന്നു നെഹ്റ അഭിപ്രായപ്പെട്ടു. സ്റ്റാര് സ്പോര്ട്സിന്റെ ക്രിക്കറ്റ് കണക്ടഡ് ഷോയില് സംസാരിക്കുകയായിരുന്നു അദ്ദേഹം.
ശാസ്ത്രിയുടെ പ്രചോദനം
വളരെ നന്നായി മറ്റുള്ളവരെ പ്രചോദിപ്പിക്കാന് മിടുക്കുള്ളയാളാണ് ശാസ്ത്രി. അദ്ദേഹത്തിന്റെ ഏറ്റവും വലിയ കഴിവും ഇതു തന്നെയാണ്. അദ്ദേഹം നിങ്ങള്ക്കു ഒരുപാട് ആത്മവിശ്വാസം നല്കും. ഉദാഹരണത്തിനു നിങ്ങളുടെ കഴുത്ത് വരെ മണല്ക്കുഴിയില് മൂടിക്കിടക്കുന്ന അവസ്ഥയിലാണെങ്കിലും രണ്ടു കൈകള്കൊണ്ടും തള്ളാന് ശാസ്ത്രി ആവശ്യപ്പെടും, നിങ്ങള് പുറത്തേക്കു വരികയും ചെയ്യും.
കോലിയും മുന്നില് നിന്നു നയിക്കാന് ഇഷ്ടമുള്ളയാളാണ്. കോലിക്കും ശാസ്തിക്കും പല സമാനതകളുമുണ്ട്. അതുകൊണ്ടു തന്നെയാണ് ഇത്രയും നന്നായി ചേര്നനു പോവാന് രണ്ടു പേര്ക്കും കഴിയുന്നതെന്നും നെഹ്റ വിശദമാക്കി.
എല്ലാ കാര്യത്തിലും യോജിപ്പില്ല
പല കാര്യങ്ങളിലും സമാനമായി ചിന്തിക്കുന്നവരാണെങ്കിലും കോലിയും ശാസ്ത്രിയും തമ്മില് എല്ലാത്തിലും യോജിപ്പുണ്ടെന്ന് പറയാന് കഴിയില്ലെന്നു റോയല് ചാലഞ്ചേഴ്സിന്റെ ബൗളിങ് കോച്ച് കൂടിയായ നെഹ്റ ചൂണ്ടിക്കാട്ടി.
എങ്കിലും പരസ്പരം അഭിപ്രായങ്ങള് കേള്ക്കുകയും അതിനു ശേഷം തീരൂമാനമെടുക്കുകയുമാണ് ഇവര് ചെയ്യാറുള്ളതെന്നും അദ്ദേഹം പറയുന്നു.
തീരുമാനമെടുക്കുന്ന അവസാനത്തെയാള് ക്യാപ്റ്റനാണെന്നോ, കോച്ചാണെന്നോ നമുക്ക് പറയാന് കഴിയില്ല. രണ്ടു പേര്ക്കും 50-50 റോളാണുള്ളതെന്നും നെഹ്റ കൂട്ടിച്ചേര്ത്തു.