Click it and Unblock the Notifications
ധോണിയെപ്പോലെ തങ്ങളെ മനസ്സിലാക്കുന്ന ഒരു ക്യാപ്റ്റ്‌നു കീഴില്‍ കളിക്കാനാണ് ഏതൊരു ബൗളറും ആഗ്രഹിക്കുന്നതെന്നു ഓജ പറയുന്നു. തീര്‍ച്ചയായും ബൗളര്‍മാരുടെ ക്യാപ്റ്റനാണ് ധോണി. ധോണി നല്‍കുന്ന വ്യത്യസ്തമായ മാനങ്ങള്‍ തന്നെയാണ് ഇതിനു കാരണം. ഫീല്‍ഡ് പ്ലേസിങ് ഉള്‍പ്പെടെ പല കാര്യത്തിലും ധോണി ബൗളറെ സഹായിക്കുകയും പിന്തുണയ്ക്കുകയും ചെയ്യാറുണ്ട്. വലിയ, നിര്‍ണായകമായ മല്‍സരങ്ങളില്‍ കളിക്കുമ്പോള്‍ ഇവയെല്ലാം ഏറെ പ്രധാനപ്പെട്ട കാര്യമാണെന്നും ഓജ ചൂണ്ടിക്കാട്ടി.
ധോണിക്കു കീഴിലാണ് ഓജ കൂടുതല്‍ അന്താരാഷ്ട്ര മല്‍സരങ്ങളിലും കളിച്ചിട്ടുള്ളത്. ഇന്ത്യക്കായി ഇറങ്ങിയ അവസാനത്തെ കളിയില്‍ മാന്‍ ഓഫ് ദി മാച്ച് കൂടിയായിരുന്നു താരം. 2013ല്‍ വാംഖഡെയില്‍ വെസ്റ്റ് ഇന്‍ഡീസിനെതിരായ ടെസ്റ്റിലായിരുന്നു ഇത്. അന്നു ഓജ 10 വിക്കറ്റുകള്‍ കൊയ്താണ് കളിയിലെ കേമനായത്. ബാറ്റിങ് ഇതിഹാസം സച്ചിന്‍ ടെണ്ടുല്‍ക്കറുടെയും വിടവാങ്ങല്‍ മല്‍സരമായിരുന്നു ഇത്.
ധോണി ഇന്ത്യക്കു വേണ്ടി അരങ്ങേറി നാലു വര്‍ഷത്തിനു ശേഷമാണ് ഓജ ആദ്യമായി ദേശീയ ടീമിന്റെ കുപ്പായമണിഞ്ഞത്. പിന്നീട് നിരവധി മല്‍സരങ്ങളില്‍ ഓജ ധോണിക്കു കീഴില്‍ ഇന്ത്യക്കായി പന്തെറിഞ്ഞു.
ഇപ്പോള്‍ ക്രിക്കറ്റില്‍ അത്ര സജീവമല്ലാത്ത 33 കാരനായ ഓജ ദിവസങ്ങള്‍ക്കു മുമ്പാണ് എല്ലാ ഫോര്‍മാറ്റില്‍ നിന്നും താന്‍ വിരമിക്കുന്നതായി ട്വിറ്ററിലൂടെ അറിയിച്ചത്.
