മരണത്തെ താന് ഭയപ്പെട്ടിരുന്നില്ലെന്നും അതുകൊണ്ടാണ് ഹെല്മറ്റ് ധരിക്കാതെ താന് ബാറ്റ് വീശിയതെന്നും റിച്ചാര്ഡ്സ് വ്യക്തമാക്കി. ക്രിക്കറ്റ് കളിച്ചു കൊണ്ടിരിക്കെ മരിക്കുകയാണെങ്കില് അത് തന്നെ സംബന്ധിച്ച് ഒരു വിഷയമല്ലായിരുന്നു. കളിക്കളത്തില് വച്ച് ജീവന് വെടിയുന്നതിനേക്കാള് വലുതായി മറ്റൊന്നില്ലെന്നാണ് തന്റെ അഭിപ്രായമെന്നും അദ്ദേഹം വ്യക്തമാക്കി.
ക്രിക്കറ്റിനോടുള്ള അടങ്ങാത്ത പാഷനാണ് തനിക്കുളളത്. അതുകൊണ്ടു തന്നെ ഗെയിമിനു വേണ്ടി എന്തും ത്യജിക്കാന് മടിയില്ലായിരുന്നു, സ്വന്തം ജീവന് പോലും. ക്രിക്കറ്റ് കളിച്ചു കൊണ്ടിരിക്കെ മരിക്കുകയാണെങ്കില് അതാണ് ഏറ്റവും മഹത്തരമെന്നും താന് അത് ഇഷ്ടപ്പെട്ടിരുന്നതായും റിച്ചാര്ഡ്സ് പറയുന്നു. ക്രിക്കറ്റിനെ ഇത്രയും പാഷനോട് കണ്ടിരുന്നതിനാല് തന്നെ ഹെല്മറ്റില്ലാതെ കളിക്കുകയെന്നത് തന്നെ ഒരിക്കലും ഭയപ്പെടുത്തിയിരുന്നില്ലെന്നും അദ്ദേഹം വ്യക്തമാക്കി. ഓസ്ട്രേലിയയുടെ മുന് സ്റ്റാര് ഓള്റൗണ്ടര് ഷെയ്ന് വാട്സനുമായുള്ള ഓണ്ലൈന് ചാറ്റിലാണ് റിച്ചാര്ഡ്സ് മനസ്സ് തുറന്നത്.
മറ്റു പല കായിക ഇനങ്ങളിലും വലിയ റിസ്ക്കുകളെടുത്ത് മല്സരിക്കുന്ന പുരുഷ, വനിതാ കായിക താരങ്ങളോടു വലിയ ബഹുമാനമാണ് തനിക്കുള്ളത്. ഫോര്മുല വണ്ണില് കാറോടിക്കുന്ന കായിക താരങ്ങളെ നമുക്ക് കാണാം. അതിനേക്കാള് അപകടരമായ മറ്റെന്തുണ്ടെന്നും റിച്ചാര്ഡ്സ് ചോദിച്ചു. ഹെല്മറ്റില്ലാതെ 150 കിമി വേഗത്തിലുള്ള പന്തിനെ നേരിടുകയെന്നത് ഇതിനു സമാനമാണെന്നു തമാശയായി വാട്സന് മറുപടി നല്കുകയും ചെയ്തു. 1991ലാണ് റിച്ചാര്ഡ്സ് ക്രിക്കറ്റില് നിന്നും വിരമിക്കല് പ്രഖ്യാപിക്കുന്നത്.