Click it and Unblock the Notifications
10 മല്‍സരങ്ങള്‍ ഇനിയുമുണ്ട്
നാലു കളികള്‍ പരാജയപ്പെട്ടെങ്കിലും പ്രതീക്ഷ കൈവിടാന്‍ കോലി ഒരുക്കമല്ല. ആര്‍സിബിക്കു ഇനിയും 10 മല്‍സരങ്ങള്‍ കൂടി ബാക്കിയുണ്ടെന്നും ഇവയില്‍ ജയിച്ച് ശക്തമായ തിരിച്ചുവരവ് നടത്താന്‍ സാധിക്കുമെന്നും കോലി അഭിപ്രായപ്പെട്ടു. ഈ സീസണില്‍ ഇതിനകം കളിച്ച നാലു മല്‍സരങ്ങളില്‍ രണ്ടെണ്ണത്തിലെങ്കിലും ആര്‍സിബിക്കു ജയിക്കാന്‍ കഴിയുമായിരുന്നു. എന്നാല്‍ നിര്‍ഭാഗ്യവശാല്‍ അതിനു സാധിച്ചില്ലെന്നും അദ്ദേഹം വ്യക്തമാക്കി.
രണ്ടു മല്‍സരങ്ങളില്‍ നന്നായി കളിച്ചു
തുടര്‍ച്ചയായി തോല്‍വികള്‍ നേരിടേണ്ടിവന്നാല്‍ അത് തീര്‍ച്ചയായും താരങ്ങള്‍ക്കു മേല്‍ സമ്മര്‍ദ്ദമുണ്ടാക്കും. ഇതുവരെയുള്ള നാലു കളികളില്‍ രണ്ടെണ്ണത്തില്‍ മികച്ച പ്രകടനമാണ് ആര്‍സിബി കാഴ്ചവച്ചത്. മുംബൈ ഇന്ത്യന്‍സിനെതിരായ കളിയില്‍ അംപയര്‍ നോബോള്‍ നിഷേധിച്ചതാണ് നേരിയ തോല്‍വിയിലേക്കു തള്ളിയിട്ടത്. രാജസ്ഥാനെതിരായ കളിയിലും ടീമിനു നല്ല പ്രകടനം നടത്താന്‍ സാധിച്ചെന്നും കോലി ചൂണ്ടിക്കാട്ടി.
ടീമില്‍ മാറ്റമുണ്ടാവും
അടുത്ത മല്‍സരത്തില്‍ ആര്‍സിബിയുടെ പ്ലെയിങ് ഇലവനില്‍ തീര്‍ച്ചയായും മാറ്റമുണ്ടാവുമെന്ന് കോലി വ്യക്തമാക്കി. ഐപിഎല്‍ വളരെ ദൈര്‍ഘ്യമേറിയ ടൂര്‍ണമെന്റല്ല. അതുകൊണ്ടു തന്നെ തീരുമാനമെടുക്കാന്‍ അധികം വൈകാനാവില്ല. മികച്ച ടീം കോമ്പിനേഷന്‍ തിരഞ്ഞെടുക്കകുയെന്നത് വലിയ വെല്ലുവിളി തന്നെയാണ്. തുടരെ തിരിച്ചടികള്‍ നേരിട്ടാല്‍ ടീമില്‍ മാറ്റങ്ങള്‍ വരുത്താന്‍ നിര്‍ബന്ധിതരാവുമെന്നും കോലി വിശദമാക്കി.
