സേവാഗ് പേടിസ്വപ്‌നമായിരുന്നു, ഇന്നത്തെ ഓപ്പണര്‍മാര്‍ പോര: സ്‌റ്റെയ്ന്‍ ഉദ്ദേശിക്കുന്നത് എന്ത്?

സേവാഗ് ഒരു പേടിസ്വപ്നം

മുമ്പ് ഞാനിവിടെ കളിച്ചിട്ടുണ്ട്. സേവാഗിനെ പോലുള്ള കളിക്കാര്‍ക്കെതിരെ പന്തെറിഞ്ഞിട്ടുണ്ട്. അയാള്‍ ഒരു പേടിസ്വപ്‌നമായിരുന്നു. ചെറിയൊരു പിഴവ് പറ്റിയാല്‍ മതി. സേവാഗ് അടിച്ചുപറത്തിക്കളയും - ഒന്നാം ടെസ്റ്റിന് മുന്നോടിയായി സ്‌റ്റെയ്ന്‍ പറഞ്ഞു.

ഇപ്പോ അത്ര പോര

ഇപ്പോഴത്തെ ഇന്ത്യന്‍ ബാറ്റിംഗ് നിരയും നല്ലതാണ്. പക്ഷേ സേവാഗിന്റെ അത്ര പോര. തുടക്കം മുതല്‍ അടിച്ചുപറത്തുന്ന തരം കളിയല്ല ഇപ്പോള്‍ - സ്‌റ്റെയ്‌നിന്റെ സൈക്കോളജിക്കല്‍ മൂവ്.

ഇത് റോക്കറ്റ് സയന്‍സല്ല

അത്ര വലി സ്ട്രാറ്റജി ഉണ്ടാക്കാന്‍ ഇത് റോക്കറ്റ് സയന്‍സൊന്നും അല്ല. ഓരോ കളിക്കാര്‍ക്കും ഓരോ രീതിയാണ്. സ്റ്റംപിന് മുകളില്‍ പന്തെറിഞ്ഞാല്‍ സച്ചിന്‍ അത് പോയിന്റിലേക്ക് അടിക്കും. അതേ പന്ത് മുരളി വിജയ് ചിലപ്പോള്‍ കവറിലേക്കായിരിക്കും കളിക്കുക - ഓരോരുത്തരുടെയും കളിയും കരുത്തും മനസിലാക്കലാണ് പ്രധാനം.

ടെസ്റ്റാണ് ഫേവറിറ്റ്

ടെസ്റ്റ് ക്രിക്കറ്റാണ് തന്റെ പ്രിയപ്പെട്ട ഇനമെന്നാണ് ലോകത്തിലെ നമ്പര്‍ വണ്‍ ഫാസ്റ്റ് ബൗളറായ സ്റ്റെയ്ന്‍ പറയുന്നത്. മികച്ച ബൗളിംഗ്, ബാറ്റിംഗ് ഡിപ്പാര്‍ട്ട്‌മെന്റുകളുണ്ട് ഞങ്ങള്‍ക്ക്, ഫേവറിറ്റ്‌സ് അല്ലെങ്കിലും ഞങ്ങള്‍ പൊരുതും.

ഇന്ത്യയ്ക്ക് നിര്‍ണായകം

ട്വന്റി 20, ഏകദിന പരമ്പരകള്‍ തോറ്റുകഴിഞ്ഞ ഇന്ത്യയ്ക്ക് ടെസ്റ്റ് പരമ്പര നിര്‍ണായകമാണ്. 2-0, 3-2 എന്ന മാര്‍ജിനിലായിരുന്നു ഇന്ത്യയുടെ തോല്‍വി. നവംബര്‍ 5ന് തുടങ്ങുന്ന ടെസ്റ്റ് പരമ്പരയില്‍ 4 മത്സരങ്ങളാണ് ഉള്ളത്.