വിരാട് വിരമിക്കുന്നു!! ആശംസയര്‍പ്പിച്ച് വീരേന്ദര്‍ സേവാഗ്...ഞെട്ടിത്തരിച്ച് ആരാധകര്‍

സെവാഗിന്റെ ട്വീറ്റിലെ ആദ്യ വാക്കുകളായിരുന്നു വിരാട് നാളെ വിരമിക്കുന്നുവെന്നത്. ബാക്കി കൂടി വായിച്ചാല്‍ കാര്യങ്ങള്‍ വ്യക്തമാവും. ഇന്ത്യയുടെ ഏറ്റവും പഴയ വിമാനവാഹിനി യുദ്ധകപ്പലായ ഐഎന്‍എസ് വിരാടിനെയായിരുന്നു സെവാഗ് ഉദ്ദേശിച്ചത്.

വിരാട് നാളെ വിരമിക്കും. പഴയ കപ്പലുകള്‍ ഒരിക്കലും മരിക്കാറില്ല. അതിന്റെ ആവേശം തുടര്‍ന്നും നിലനില്‍ക്കും. കഴിഞ്ഞ 30 വര്‍ഷമായി ഇന്ത്യന്‍ സൈന്യത്തിന് കരുത്തേകിയ ഐഎന്‍എസ് വിരാട് നാളെ ഡീകമ്മീഷന് ചെയ്യുകയാണ്.

സെഗാഗിന്റെ ഈ ട്വീറ്റിനു താഴെ നിരവധി പേരാണ് ട്വീറ്റ് ചെയ്തിരിക്കുന്നത്. പലതും രസകരമായ കമന്റുകളായിരുന്നു. ആദ്യ മൂന്നു വാക്കുകള്‍ വായിച്ചപ്പോള്‍ ഹൃദയാഘാതം വന്നെന്നായിരുന്നു ഒരു ട്വീറ്റ്.