കോലിക്ക് സാങ്കേതികപ്പിഴവ്
ബാറ്റിനും പാഡിനുമിടയില് കോലി വലിയ വിടവുണ്ടാക്കുന്നുണ്ടെന്ന് മുന്താരം ചൂണ്ടിക്കാട്ടി. ഇതാദ്യമായല്ല കോലി സ്പിന്നര്മാര്ക്ക് വിക്കറ്റ് നല്കുന്നത്. പ്രത്യേകിച്ചും ഗൂഗ്ലികള് കളിക്കുന്നതില് കോലി ബുദ്ധിമുട്ടുന്നു. കഴിഞ്ഞ സീസണില് മുജീബ്, സാംപ, മാര്ക്കണ്ഡെ തുടങ്ങിയവര് കോലിയെ പുറത്താക്കിയത് ഓര്ക്കുന്നു. ശ്രേയസും നേരത്തെ കോലിയെ പുറത്താക്കി. കോലി തന്റെ പിഴവ് തിരുത്തണമെന്ന് ലഷ്ണന് വ്യക്തമാക്കി.
കോലി തിരിച്ചുവരും
കോലിക്ക് തിരിച്ചവരാന് കഴിയും. 2013ല് ഇംഗ്ലണ്ട് പരമ്പരയില് താരത്തിന് കാര്യമായ ബാറ്റിങ് പിഴവ് സംഭവിച്ചിരുന്നു. എന്നാല് അടുത്തിടെ നടന്ന പര്യടനത്തില് വമ്പന് പ്രകടനം നടത്തിയത് ഓര്ക്കുക. ആ രീതിയില് സ്വയം പിഴവുകള് തിരുത്താന് കഴിവുള്ള താരമാണ് വിരാട് കോലി. സ്പിന്നര്മാര്ക്കെതിരെയും കോലി മികവുകാട്ടണമെന്ന് ലക്ഷ്മണ് പറഞ്ഞു.
ആര്സിബിയുടെ ഐപിഎല്
ആര്സിബിയുടെ തുടര് പരാജയങ്ങളില് ലക്ഷ്ണണിന് നിരാശയുണ്ട്. കോലിയുടെ ടീം കൂടുതല് മികച്ച കളി പുറത്തെടുക്കുമെന്നാണ് പ്രതീക്ഷ. തുടക്കത്തില്തന്നെ എഴുതിത്തള്ളുന്നത് ശരിയല്ല. ശേഷിക്കുന്ന മത്സരങ്ങളില് ജയത്തോടെ തിരിച്ചുവരാന് അവര്ക്ക് കഴിയും. കോലിയും ഡിവില്ലിയേഴ്സും അങ്ങേയറ്റത്തെ നിലവാരമുള്ള കളിക്കാരാണ്. അവരുടെ തിരിച്ചുവരവ് പ്രതീക്ഷിക്കുന്നതായും ലക്ഷ്മണ് പറഞ്ഞു.