സച്ചിനല്ല, കോലി ജൂനിയര്‍ വിവ് റിച്ചാര്‍ഡ്‌സ്: രവി ശാസ്ത്രി

റിച്ചാര്‍ഡ്‌സ് തന്നെ പറഞ്ഞിട്ടുണ്ട്

സച്ചിന്‍ തന്നെപ്പോലെ കളിക്കുന്നു എന്നാണ് ബ്രാഡ്മാന്‍ പറഞ്ഞത്. എന്നാല്‍ ഏകദിനത്തിലെ ബ്രാഡ്മാനായ വിവ് റിച്ചാര്‍ഡ്‌സ് ഇങ്ങനെ പറഞ്ഞിട്ടുള്ളത് വിരാട് കോലിയെക്കുറിച്ചാണ്.

എല്ലാ കളിയിലും ആധിപത്യം

കളിച്ചിരുന്ന എല്ലാ ഫോര്‍മാറ്റിലും വിവ് റിച്ചാര്‍ഡ്‌സ് സമ്പൂര്‍ണ ആധിപത്യം പുലര്‍ത്തിയിരുന്നു. അതുപോലെ തന്നെയാണ് കോലിയും. കോലിയുടെ ബാറ്റിംഗ് കാണുമ്പോള്‍ എനിക്ക് വിവ് റിച്ചാര്‍ഡ്‌സിനെ കണ്ണാടിയില്‍ കാണുന്നത് പോലെയാണ് തോന്നുന്നത്.

ബഹുമാനിക്കാന്‍ പഠിക്കണം

ധോണിയെ വിമര്‍ശിക്കുന്നവരോട് ഡിക്ഷ്ണറിയില്‍ ഒരു വാക്ക് നോക്കാനാണ് ശാസ്ത്രിയുടെ ഉപദേശം. റെസ്‌പെക്ട് എന്നതാണ് അത്. ലെജന്‍ഡ്‌സിനോട് കളിക്കരുത്. ധോണിയുടെ നേട്ടങ്ങള്‍ മറ്റാര്‍ക്കും പിന്നിലല്ല.

ടോപ് ത്രീ ആണോ

ശിഖര്‍ ധവാനും രോഹിത് ശര്‍മയും വിരാട് കോലിയും ചേര്‍ന്നാല്‍ ടോപ് ത്രീ ആയി എന്നാണ് രവി ശാസ്ത്രി പറയുന്നത്. എന്നാല്‍ അത് ശരിയാണോ. ഇംഗ്ലണ്ട്, ഓസ്‌ട്രേലിയ, ദക്ഷിണാഫ്രിക്ക, ന്യൂസിലന്‍ഡ് തുടങ്ങിയ ടീമുകള്‍ക്കും ഇതുപോലെ മികച്ച ടോപ് ഓര്‍ഡര്‍ ഇല്ലേ..

യുവരാജിനും റെയ്‌നയ്ക്കും പ്രശംസ

സുരേഷ് റെയ്‌ന ഒരു മാച്ച് വിന്നറാണ്. എന്നാല്‍ യുവരാജിന്റെ കാര്യത്തില്‍ എനിക്ക് അതിലും സന്തോഷമുണ്ട്. അവസാന ഓവറിലെ ആ രണ്ട് ഷോട്ടുകള്‍ യുവരാജിന് ഏറെ ആത്മവിശ്വാസം നല്‍കും. മികച്ച ബൗളര്‍ കൂടിയാണ് യുവരാജ് എന്നാണ് ശാസ്ത്രി വിലയിരുത്തുന്നത്.