Click it and Unblock the Notifications
വിവാഹം ഡിസംബറില്‍
ഈ വര്‍ഷം ഡിസംബറില്‍ കോലിയും അനുഷ്‌കയും തമ്മില്‍ വിവാഹിതരായേക്കുമെന്നാണ് ചില ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. വിവാഹ തിയ്യതി തീരുമാനിച്ചിട്ടില്ലെന്നും റിപ്പോര്‍ട്ടില്‍ പറയുന്നു.
കോലി വിശ്രമം ചോദിച്ചിരുന്നു
വ്യക്തിപരമായ കാരണങ്ങളാല്‍ ഡിസംബറില്‍ നടക്കാനിരിക്കുന്ന ഇന്ത്യന്‍ ടീമിന്റെ ശ്രീലങ്കന്‍ പര്യടനത്തില്‍ നിന്നും തന്നെ ഒഴിവാക്കണമെന്ന് കോലി നേരത്തേ ബിസിസിഐയോട് അഭ്യര്‍ഥിച്ചിരുന്നു. ഇതു കൂടി കൂട്ടി വായിക്കുമ്പോള്‍ വിവാഹം ഡിസംബറില്‍ തന്നെ ആയിരിക്കുമെന്ന് ഉറപ്പിക്കാം.
കുറച്ചു വര്‍ഷങ്ങളായി പ്രണയത്തില്‍
കഴിഞ്ഞ കുറച്ചു വര്‍ഷങ്ങളായി കോലിയും അനുഷ്‌കയും പ്രണയത്തിലാണ്. 2013ല്‍ ഇന്ത്യന്‍ ടീം ഇംഗ്ലണ്ട് പര്യടനം നടത്തിയപ്പോല്‍ കോലിക്കൊപ്പം അനുഷ്‌കയുമുണ്ടായിരുന്നു. അന്ന് ഇതു വലിയ ചര്‍ച്ചയാവുകയും ചെയ്തിരുന്നു.
2015ല്‍ പ്രണയത്തില്‍ വിള്ളല്‍
2015ല്‍ കോലിയും അനുഷ്‌കയും തമ്മിലുള്ള പ്രണയത്തില്‍ വിള്ളല്‍ വീണു. ഇതിന്റെ കാരണമെന്താണെന്ന് ഇരുവരും വെളിപ്പെടുത്തിയിട്ടില്ല. പിരിഞ്ഞ ശേഷവും അനുഷ്‌ക കോലിയെ പിന്തുണച്ചു രംഗത്തുവന്നിരുന്നു. കരിയറിലെ മോശം ഫോമിനെ തുടര്‍ന്നു കോലി ക്രൂശിക്കപ്പെട്ടപ്പോള്‍ അനുഷ്‌ക പിന്തുണച്ച് സംസാരിച്ചിരുന്നു.
വൈറലായി ആ പരസ്യം
കോലിയും അനുഷ്‌കയും ജോടികളായി അഭിനയിച്ച ഒരു പരസ്യം അടുത്തിടെ പുറത്തുവന്നിരുന്നു. മന്യവര്‍ എന്ന എന്ന വസ്ത്ര ബ്രാന്‍ഡിന്റെ പരസ്യത്തിലായിരുന്നു ഇത്. ഇരുവരും തമ്മിലുള്ള കെമിസ്ട്രി നന്നായി ഉപയോഗപ്പെടുത്തിയ പരസ്യം വൈറലാവുകയും ചെയ്തിരുന്നു.
