Click it and Unblock the Notifications
തിരക്കേറിയ ഷെഡ്യൂള്‍
തിരക്കേറിയ ഷെഡ്യൂളുകളെ തുടര്‍ന്നാണ് കോലിക്കു വിശ്രമം അനുവദിച്ചതെന്ന് ബിസിസിഐ അറിയിച്ചു. മൂന്നു മാസത്തോളം നീണ്ട ഓസ്‌ട്രേലിയന്‍ പര്യടനത്തിന് തൊട്ടു പിന്നാലെയാണ് കോലിയും സംഘവും ന്യൂസിലാന്‍ഡില്‍ വിമാനമിറങ്ങിയത്.
ഓസ്‌ട്രേലിയയില്‍ നടന്ന ടി20 പരമ്പരയില്‍ സമനിലയോടെ തുടങ്ങിയ ഇന്ത്യ പിന്നീട് നടന്ന നാലു ടെസ്റ്റുകളുടെ പരമ്പര 2-1നും മൂന്നു മല്‍സരങ്ങളുടെ ഏകദിന പരമ്പര 2-1നും സ്വന്തമാക്കിയിരുന്നു. ഓസ്‌ട്രേലിയക്കെതിരേ അവരുടെ നാട്ടില്‍ ഇന്ത്യയുടെ കന്നി ടെസ്റ്റ്, ഏകദിന പരമ്പര നേട്ടം കൂടിയായിരുന്നു ഇത്.
പകരക്കാരനെ ഉള്‍പ്പെടുത്തില്ല
കോലി ന്യൂസിലാന്‍ഡ് പര്യടനത്തിന്റെ പാതിവഴിയില്‍ വച്ച് മടങ്ങുകയാണെങ്കിലും പകരക്കാരനായി മറ്റൊരു താരത്തെ ടീമിലുള്‍പ്പെടുത്തേണ്ടെന്നാണ് ബിസിസിഐയുടെ തീരുമാനം.
ടീം മാനേജ്‌മെന്റും സീനിയര്‍ സെലക്ഷന്‍ കമ്മിറ്റിയും ചേര്‍ന്നാണ് കോലിക്കു വിശ്രമം നല്‍കാന്‍ തീരുമാനിച്ചത്. ഓസ്‌ട്രേലിയക്കെതിരേ നാട്ടില്‍ നടക്കാനിരിക്കുന്ന പരമ്പരയ്ക്കു മുമ്പ് അദ്ദേഹത്തിന് വിശ്രമം ആവശ്യമാണെന്നും ബിസിസിഐ വാര്‍ത്താക്കുറിപ്പില്‍ അറിയിച്ചു.
നേരത്തേയും വിശ്രമം നല്‍കി
ഇതാദ്യമായല്ല തുടര്‍ച്ചയായ പരമ്പരകളെ തുടര്‍ന്നു കോലിക്കു ബിസിസിഐ വിശ്രമം അനുവദിക്കുന്നത്. വെസ്റ്റ് ഇന്‍ഡീസിനെതിരേ നാട്ടില്‍ നടന്ന അവസാന ടി20 പരമ്പരയിലും കോലി കളിച്ചിരുന്നില്ല.
അതിനു മുമ്പ് യുഎഇയില്‍ നടന്ന ഏഷ്യാ കപ്പിലും കോലിക്കു വിശ്രമം അനുവദിച്ച ബിസിസിഐ രോഹിത്തിനെ ക്യാപ്റ്റനാക്കുകയും ചെയ്തിരുന്നു. ഇവയിലെല്ലാം ടീമിന് കിരീടം നേടിത്തരാനും രോഹിത്തിനായിരുന്നു. കൂടാതെ ശ്രീലങ്കയില്‍ നടന്ന പ്രഥമ നിദാഹാസ് ട്രോഫിയിലും കോലിയുടെ അഭാവത്തില്‍ രോഹിത്തായിരുന്നു ക്യാപ്റ്റന്‍.
