Click it and Unblock the Notifications
കോലിയുടെ ഒറ്റ ഷോട്ട് നിര്ണായകമായി
കോലിയുടെ ഒറ്റ ഷോട്ടാണ് കളിയെ മാറ്റിമറിച്ചതെന്ന് സ്റ്റോക്ക്സ് പറയുന്നു. കളിയിലുടനീളം മികച്ച ഷോട്ടുകളാണ് കോലി പുറത്തെടുത്തത്. എന്നാല് ഇന്സ്വിങ്ങറായ തന്റെ പന്തിനെ വിക്കറ്റിന് മുന്നിലേക്ക് കയറിക്കളിക്കാനുള്ള കോലിയുടെ തീരുമാനം തെറ്റായിരുന്നു. പന്ത് ബാറ്റില്നിന്നും മിസ്സായതോടെ തങ്ങളുടെ കെണിയില് കോലി വീണുവെന്നും സ്റ്റോക്ക്സ് മത്സരശേഷം പ്രതികരിച്ചു.
സാം കുറന് ഇംഗ്ലണ്ടിനെ തുണച്ചു
ആദ്യ ഇന്നിങ്സില് മികച്ച ലീഡുലഭിക്കുമെന്നായിരുന്നു പ്രതീക്ഷ. എന്നാല്, കോലിയുടെ ഇന്നിങ്സ് പ്രതീക്ഷ തെറ്റിച്ചു. രണ്ടാം ഇന്നിങ്സില് ബാറ്റിങ് തകര്ച്ചയുണ്ടായപ്പോല് ഇരുപതുകാരനായ സാം കുറനാണ് രക്ഷയ്ക്കെത്തിയത്. വിജയത്തില് നിര്ണായകമായത് കുറന്റെ ഇന്നിങ്സാണ്. ബൗളിങ്ങിലും യുവതാരം മികച്ചുനിന്നെന്ന് സ്റ്റോക്ക്സ് പറഞ്ഞു.
സ്റ്റോക്ക്സിന്റേത് മികച്ച തിരിച്ചുവരവ്
മദ്യപിച്ച് വഴക്കുണ്ടാക്കിയതിന്റെ പേരില് ടീമില്നിന്നും പുറത്താക്കപ്പെട്ട സ്റ്റോക്ക്സ് മികച്ച പ്രകടനമാണ് ഇന്ത്യയ്ക്കെതിരെ കാഴ്ചവെച്ചത്. ആദ്യ ടെസ്റ്റില് ജയിച്ചതോടെ ഇംഗ്ലണ്ട് അഞ്ചു മത്സരങ്ങളുടെ പരമ്പരയില് 1-0ത്തിന് മുന്നിലെത്തി. ഓഗസ്ത് 9 മുതല് ലോര്ഡ്സിലാണ് ഇന്ത്യ ഇംഗ്ലണ്ട് രണ്ടാം ടെസ്റ്റ്.
Continue with Google