കൊല്‍ക്കത്ത ടെസ്റ്റ്: സച്ചിനൊപ്പം സെഞ്ചുറി റെക്കോര്‍ഡ് പങ്കിട്ട് വിരാട് കോലി

27 ആം സെഞ്ചുറിക്കായി 141 ഇന്നിങ്‌സുകള്‍ ഇരുവരും കളിച്ചു. ഇന്നത്തെ സെഞ്ചുറിയോടെ രാജ്യാന്തര ക്രിക്കറ്റില്‍ 70 സെഞ്ചുറികളും ഇന്ത്യന്‍ നായകന്‍ പൂര്‍ത്തിയാക്കിയിട്ടുണ്ട്. പറഞ്ഞുവരുമ്പോള്‍ ക്രിക്കറ്റ് ചരിത്രത്തില്‍ ഏറ്റവും വേഗത്തില്‍ കുറിക്കപ്പട്ട 70 -മത്തെ സെഞ്ചുറിയാണിത്. 70 സെഞ്ചുറികള്‍ പിന്നിടാന്‍ 439 ഇന്നിങ്‌സുകള്‍ മാത്രമേ കോലിക്ക് വേണ്ടിവന്നുള്ളൂ. പട്ടികയില്‍ രണ്ടാമതുള്ള സച്ചിന്‍ ടെന്‍ഡുല്‍ക്കര്‍ 505 ഇന്നിങ്‌സുകള്‍ കളിച്ചാണ് ഈ നേട്ടം കൈവരിച്ചത്.

70 സെഞ്ചുറികളെന്ന നാഴികക്കല്ല് പിന്നിടാന്‍ 649 ഇന്നിങ്‌സുകള്‍ കളിച്ചിട്ടുണ്ട് മുന്‍ ഓസ്‌ട്രേലിയന്‍ നായകന്‍ റിക്കി പോണ്ടിങ്. ടെസ്റ്റ് ക്യാപ്റ്റനെന്ന നിലയില്‍ വിരാട് കോലിയുടെ 20 -മത്തെ സെഞ്ചുറിയാണ് ഇന്ന് ഈഡനിലേത്. നേരത്തെ, രണ്ടാം ടെസ്റ്റിലെ ആദ്യ ദിനം ടെസ്റ്റ് ക്യാപ്റ്റനെന്ന നിലയില്‍ 5,000 റണ്‍സ് വിരാട് കോലി പിന്നിട്ടിരുന്നു.

നേട്ടങ്ങളുടെയും നാണക്കേടുകളുടെയും പെരുമഴ തീര്‍ത്ത് പിങ്ക് ബോള്‍ ടെസ്റ്റ്

ഈ നേട്ടം കൈവരിക്കുന്ന ആദ്യ ഇന്ത്യന്‍ താരമാണ് ഇദ്ദേഹം. 86 ഇന്നിങ്‌സുകള്‍ കൊണ്ടാണ് ക്യാപ്റ്റന്‍ പദവിയില്‍ വിരാട് കോലി 5,000 റണ്‍സ് പൂര്‍ത്തിയാക്കിയത്.രാജ്യാന്തര തലത്തില്‍ ഈ നേട്ടം കൈയ്യടക്കുന്ന ആറാമത്തെ താരമാണ് കോലി. ഓസ്‌ട്രേലിയന്‍ ഇതിഹാസം റിക്കി പോണ്ടിങ് പട്ടികയില്‍ ഒന്നാമത് നിലകൊള്ളുന്നു. ക്യാപ്റ്റനെന്ന നിലയില്‍ 5,000 റണ്‍സ് പിന്നിടാന്‍ 97 ഇന്നിങ്‌സുകള്‍ മാത്രമേ പോണ്ടിങ്ങിന് വേണ്ടിവന്നുള്ളൂ.

106 ഇന്നിങ്‌സുകളുമായി ക്ലൈവ് ലോയ്ഡും 110 ഇന്നിങ്‌സുകളുമായി ഗ്രെയിം സ്മിത്തും ഈ പട്ടികയില്‍ രണ്ടും മൂന്നും സ്ഥാനം കൈയ്യടക്കുന്നത് കാണാം. 116 ഇന്നിങ്‌സുകള്‍ കളിച്ചാണ് മുന്‍ ഓസ്‌ട്രേലിയന്‍ നായകന്‍ അലെന്‍ ബോര്‍ഡര്‍ 5,000 ടെസ്റ്റ് റണ്‍സ് കുറിച്ചത്. 130 ഇന്നിങ്‌സുകള്‍ കൊണ്ട് 5,000 റണ്‍സ് പൂര്‍ത്തിയാക്കിയ സ്റ്റീഫന്‍ ഫ്‌ളെമിങ്ങും വിരാട് കോലിക്ക് മുന്‍പിലുണ്ട്.