ഓസ്‌ട്രേലിയയ്‌ക്കെതിരെ സച്ചിനും കോലിയും പോലും രോഹിത് ശര്‍മയുടെ ഏഴയലത്ത് എത്തില്ല.. ഹിറ്റ്മാന്‍ ഡാ!!

എന്തുകൊണ്ട് ഓസ്‌ട്രേലിയ

ലോകത്തെ ഏറ്റവും കടുപ്പക്കാരായ ടീമാണ് ഓസീസ്. റണ്‍സ് വിട്ടുതരില്ല അവര്‍. ഓസ്‌ട്രേലിയയ്‌ക്കെതിരെ മികച്ച പ്രകടനം പുറത്തെടുക്കുന്നതിന് കാരണമായി രോഹിത് പറയുന്നതും ഇത് തന്നെ. ഏറ്റവും കടുപ്പമുള്ള സാഹചര്യത്തില്‍ നമ്മള്‍ ഏറ്റവും മികച്ച പ്രകടനം പുറത്തെടുക്കും - അഞ്ചാം ഏകദിനത്തില്‍ മാന്‍ ഓഫ് ദ മാച്ചായ ശേഷം രോഹിത് പറയുന്നു.

അവിശ്വസനീയ ശരാശരി

ഓസ്‌ട്രേലിയയ്‌ക്കെതിരെ ലോക ക്രിക്കറ്റില്‍ ഏറ്റവും മികച്ച ശരാശരിയുളള ബാറ്റ്‌സ്മാനാണ് രോഹിത് ശര്‍മ. 28 കളിയില്‍ 1542 റണ്‍സ്. മികച്ച സ്‌കോര്‍ 209. ശരാശരി എത്രയാണ് എന്നറിയണ്ടേ.. 67.04.

പിന്നില്‍ ആരൊക്കെ

ദക്ഷിണാഫ്രിക്കയുടെ എ ബി ഡിവില്ലിയേഴ്‌സ് (59.52), ക്ലൈവ് ലോയ്ഡ് (54.22), ജെഫ് ബോയ്‌ക്കോട്ട് (52.77) - ഇതിഹാസങ്ങളാണ് രോഹിത് ശര്‍മയുടെ പേരിന് പിന്നാലെയുള്ളത്.

വിരാട് കോലിയുമുണ്ട്

പട്ടികയില്‍ അഞ്ചാം സ്ഥാനത്താണ് ഇന്ത്യന്‍ ക്യാപ്റ്റന്‍ വിരാട് കോലി. രോഹിതിന്റെ അത്രയും തന്നെ കളികള്‍. നാന്നൂറ് റണ്‍സ് കുറവ്. 52.77 ശരാശരിയില്‍ 1150 റണ്‍സ്.

സച്ചിനില്ലാത്ത പട്ടിക

വിവ് റിച്ചാര്‍ഡ്‌സ്, ജോനാഥന്‍ ട്രോട്ട്, അജയ് ജഡേജ, അരവിന്ദ ഡിസില്‍വ, ഹാന്‍സി ക്രോണ്യേ എന്നിവരാണ് ആദ്യ പത്തിലുള്ള മറ്റ് കളിക്കാര്‍. ഓസ്‌ട്രേലിയയ്‌ക്കെതിരെ ഏറ്റവും കൂടുതല്‍ സെഞ്ചുറികളുടെ റെക്കോര്‍ഡുള്ള സച്ചിന്‍ പട്ടികയിലേ ഇല്ല എന്നതാണ് രസം.