Click it and Unblock the Notifications
ടോപ് ഓര്ഡര് ബാറ്റിംഗ്
രോഹിത് ശര്മ, ശിഖര് ധവാന്, വിരാട് കോലി.. ഇവരടങ്ങിയ ടോപ് ഓര്ഡര് ഏറെക്കുറെ ഭദ്രമായിരുന്നു എന്ന് പറയാം. ഉദ്ഘാടന മത്സരത്തില് രോഹിത് ശര്മയും ഫൈനലില് ശിഖര് ധവാനും ശരിക്കും മാച്ച് വിന്നിംഗ് ഇന്നിംഗ്സുകള് കളിച്ചു. പക്ഷേ ഇടയ്ക്ക് വെച്ച് ഇരുവരും പരാജയപ്പെട്ടു. അപ്പോഴെന്ത് സംഭവിച്ചു?
വിരാട് കോലിയുടെ സ്ഥിരത
തട്ടുപൊളിപ്പന് ഫോമിലായിരുന്നു കോലി. ആദ്യത്തെ കളിയില് ഒരു പരാജയം. അത് മാത്രം. അതൊഴിച്ച് നിര്ത്തിയാല് പാകിസ്താന്, യുഎഇ, ശ്രീലങ്ക, ബംഗ്ലാദേശ് എന്നിവര്ക്കെതിരെയെല്ലാം കോലിയുടെ ബാറ്റിംഗ് അവിശ്വസനീയമായിരുന്നു. ആര്ക്കും കളിക്കാന് പറ്റാത്ത മുഹമ്മദ് ആമിറിനെ വരെ കോലി അനായാസം നേരിട്ടു
യുവരാജും റെയ്നയും
പാകിസ്താനെതിരെ ക്രിസീല് പിടിച്ചുനിന്ന യുവരാജ് ശ്രീലങ്കയ്ക്കെതിരെ തനിനിറം പുറത്തെടുത്തു. യു എ ഇയ്ക്കെതിരെയും മികച്ചൊരു ഇന്നിംഗ്സ് കളിക്കാന് യുവരാജിന് പറ്റി, ലോകകപ്പിന് മുമ്പേ ഇന്ത്യ ഏറ്റവും കൂടുതല് പ്രതീക്ഷയോടെ കാത്തിരുന്നത് യുവരാജ് സിംഗ് ഫോമിലെത്തുന്നത് കാണാനായിരുന്നു.
ധോണി രണ്ടാമന്
എം എസ് ധോണിയെ തിരിച്ചുകിട്ടി. ആദ്യകാലത്ത് കൂറ്റനടികളിലൂടെ ടീമിന് വിജയങ്ങള് നല്കിയ ധോണി ഏഷ്യാകപ്പില് തിരിച്ചുവന്നു. കുറെ റണ്സടിച്ചില്ലെങ്കിലും ധോണിയുടെ ബാറ്റിംഗ് ശൈലിയിലും ബോഡി ലാംഗ്വേജിലും പ്രകടമായ മാറ്റമുണ്ടായിരുന്നു.
നെഹ്റ - ഭുമ്ര
സ്പിന്നമാരുടെ മികവില് ജയിക്കുന്നത് ഇന്ത്യയ്ക്ക് വലിയ പുതുമയുള്ള കാര്യമൊന്നുമല്ല. എന്നാല് ഫാസ്റ്റ് ബൗളര്മാര് അതും സ്ഥിരമായി മേധാവിത്വം നേടിത്തരുന്നത് ഇന്ത്യയ്ക്ക് വലിയ കാര്യമാണ്. ഏഷ്യാകപ്പില് ആശിഷ് നെഹ്റയും ഭുമ്രയും പാണ്ഡ്യയും ചെയ്തത് അതാണ്.
Continue with Google