ശ്രീശാന്തിന് ഇന്ത്യന്‍ ടീമില്‍ തിരിച്ചെത്താം! ഒരാളെ കണ്ടാല്‍ എല്ലാം ശരിയാകുമെന്ന് ടിസി മാത്യു...

സന്തോഷമുണ്ടെന്ന് ശ്രീശാന്ത്...

ദേശീയ ടീമിലേക്ക് മടങ്ങി വരാന്‍ ആഗ്രഹിക്കുന്ന തനിക്ക് ടിസി മാത്യു പിന്തുണ പ്രഖ്യാപിച്ചതില്‍ നന്ദിയുണ്ടെന്നും, അദ്ദേഹത്തിന്റെ നിലപാടില്‍ വളരെയധികം സന്തോഷമുണ്ടെന്നും ശ്രീശാന്ത് പറഞ്ഞു.

വിനോദ് റായിക്ക് കത്ത് നല്‍കും...

തിരിച്ചുവരവുമായി ബന്ധപ്പെട്ട് ടിസി മാത്യു നിര്‍ദേശിച്ചത് പ്രകാരം ഇടക്കാല ഭരണസമിതി അധ്യക്ഷന്‍ വിനോദ് റായിക്ക് ഉടന്‍ കത്ത് കൈമാറുമെന്നും ശ്രീശാന്ത് അറിയിച്ചു.

വിലക്കിനെ കുറിച്ച് അറിയില്ല...

തനിക്ക് വിലക്കേര്‍പ്പെടുത്തിയോ എന്ന കാര്യം അറിയിച്ചിട്ടില്ല. ബിസിസിഐ ഇനിയും വിലക്കിനെ കുറിച്ച് തന്നെ അറിയിച്ചിട്ടില്ലെന്നും, നിലവില്‍ സസ്‌പെന്‍ഷന്‍ മാത്രമേയുള്ളുവെന്നും ശ്രീശാന്ത് ചൂണ്ടിക്കാട്ടി.

വ്യക്തിവൈരാഗ്യമാണോ എന്നറിയില്ല...

തനിക്ക് തിരിച്ചുവരാനാകില്ലെന്ന ആകാശ് ചോപ്രയുടെ അഭിപ്രായം ഏറെ നിരാശയുണ്ടാക്കി. ഇതിന് പിന്നില്‍ വ്യക്തിവൈരാഗ്യമാണോ അതോ മറ്റെന്തെങ്കിലുമാണോ എന്നറിയില്ലെന്നും ശ്രീശാന്ത് വ്യക്തമാക്കി.

കഠിനാധ്വാനം ചെയ്ത് മുന്നോട്ട് പോകുക...

ഇത്തരം എതിര്‍പ്പുകള്‍ കാര്യമാക്കുന്നില്ലെന്നും, കഠിനാധ്വാനം ചെയ്ത് എല്ലാ എതിര്‍പ്പുകളെയും മറികടന്ന് മുന്നോട്ട് പോകുക എന്നത് മാത്രമാണ് തന്റെ മുന്നിലുള്ള ലക്ഷ്യമെന്നും ശ്രീശാന്ത് കൂട്ടിച്ചേര്‍ത്തു.