Click it and Unblock the Notifications
അവസാനമായി നേര്‍ക്കുനേര്‍ എത്തിയത് 2018ല്‍
അവസാനമായി 2017ലെ ഐസിസി ചാമ്പ്യന്‍സ് ട്രോഫി ഫൈനലാണ് ഇരു ടീമും നേര്‍ക്കുനേര്‍ എത്തിയ ഫൈനല്‍ പോരാട്ടം. അന്ന് ഇന്ത്യയെ പരാജയപ്പെടുത്തി കിരീടം ചൂടാന്‍ പാകിസ്താന് സാധിച്ചിരുന്നു. യുഎഇയില്‍ നടക്കുന്ന ടി20 ലോകകപ്പില്‍ പാകിസ്താന് അതി ശക്തരാണ്. മികച്ച താരനിരയോടൊപ്പം യുഎഇയില്‍ കളിച്ച് വലിയ അനുഭവസമ്പത്തും പാക് നിരക്കുണ്ട്. 2018ലെ ഏഷ്യാ കപ്പിലാണ് ഇരു ടീമും അവസാനമായി നേര്‍ക്കുനേര്‍ എത്തിയത്. രോഹിതിന്റെ ക്യാപ്റ്റന്‍സിയിലിറങ്ങിയ ഇന്ത്യ രണ്ട് തവണയും പാകിസ്താനെ തോല്‍പ്പിച്ചിരുന്നു. ലോകകപ്പിലെ പാകിസ്താനെതിരായ ഇന്ത്യയുടെ വിജയക്കുതിപ്പിന് തടയിടാന്‍ പാകിസ്താന് സാധിക്കുമോയെന്ന് കാത്തിരുന്ന് കാണാം.
ബാബര്‍ അസാമും കോലിയും നേര്‍ക്കുനേര്‍
ആധുനിക ക്രിക്കറ്റിലെ ഏറ്റവും മികച്ച ബാറ്റ്‌സ്മാന്‍മാരെന്ന് വിശേഷിപ്പിക്കാവുന്ന വിരാട് കോലിയും ബാബര്‍ അസാമും നേര്‍ക്കുനേര്‍ എത്തുന്നു എന്ന സവിശേഷതയും മത്സരത്തിനുണ്ട്. കോലിയേക്കാള്‍ മികച്ച ബാറ്റ്‌സ്മാന്‍ ബാബറാണെന്നാണ് പാക് ആരാധകര്‍ വാദിക്കുന്നത്. അതിനാല്‍ത്തന്നെ ലോകകപ്പ് പോലൊരു വലിയ വേദിയില്‍ ആര് കൂടുതല്‍ മികവ് കാട്ടുമെന്നറിയാനും ആരാധകര്‍ കാത്തിരിക്കുകയാണ്. ബാബര്‍ അസാമാണ് നിലവില്‍ പാകിസ്താന് നായകന്‍
ഗ്രൂപ്പ് രണ്ടില്‍ നിന്ന് ആര് മുന്നേറും
ഇന്ത്യ,പാകിസ്താന് എന്നിവരെക്കൂടാതെ ന്യൂസീലന്‍ഡ്, അഫ്ഗാനിസ്ഥാന്‍ എന്നിവരാണ് ഗ്രൂപ്പ് രണ്ടിലുള്ളത്. ഗ്രൂപ്പ് എ റണ്ണറപ്പ്, ഗ്രൂപ്പ് ബിയിലെ വിജയി എന്നിവരും രണ്ടാം ഗ്രൂപ്പിലേക്കെത്തും. ഗ്രൂപ്പ് ഒന്നാണ് കൂടുതല്‍ ശക്തം. മരണഗ്രൂപ്പെന്ന് വിശേഷിപ്പിക്കപ്പെടുന്ന ഗ്രൂപ്പില്‍ ഇംഗ്ലണ്ട്, ഓസ്‌ട്രേലിയ, ദക്ഷിണാഫ്രിക്ക, വെസ്റ്റ് ഇന്‍ഡീസ് എന്നിവരോടൊപ്പം ഗ്രൂപ്പ് എയിലെ ജേതാവും ഗ്രൂപ്പ് ബിയിലെ റണ്ണറപ്പും രണ്ടാം ഗ്രൂപ്പിലേക്കെത്തും.
