കളിക്കാര് യൂറോപ്പില് ചുറ്റിയടിച്ചു
ഇംഗ്ലണ്ടിനെതിരായ തയ്യാറെടുപ്പ് മോശമായിരുന്നെന്നാണ് ഗാവസ്കര് പറയുന്നത്. ആദ്യ ടെസ്റ്റ് മുന്പായി ഇംഗ്ലണ്ടിലെ സാഹചര്യവുമായി ഇണങ്ങാന് 11 പേരെ ഉള്പ്പെടുത്തി രണ്ടു ഫസ്റ്റ് ക്ലാസ് മത്സരങ്ങളെങ്കിലും ടീം കളിക്കണമായിരുന്നു. എന്നാല് അഞ്ചുദിവസത്തെ അവധി യൂറോപ്പ് ചുറ്റിയടിക്കാനാണ് ടീം അംഗങ്ങള് വിനിയോഗിച്ചത്.
ഇന്ത്യന് ബാറ്റ്സ്മാന്മാര്ക്ക് സാങ്കേതിക പ്രശ്നം
ഒരു പരമ്പര കഴിയുമ്പോള് മറ്റൊരു ഫോര്മാറ്റിലേക്കു മാറുന്നതിന് മൂന്നു ദിവസത്തെ വിശ്രമം മതിയാകും. അഞ്ചു ദിവസത്തെ ഇടവേള ഇന്ത്യയ്ക്ക് ഗുണകരമായില്ല. പതിവുപോലെ പേസും ബൗണ്സുമുള്ള പിച്ചില് കളിക്കുന്നതില് ഇന്ത്യന് താരങ്ങള്ക്കുള്ള സാങ്കേതിക പ്രശ്നങ്ങളും അദ്ദേഹം ചൂണ്ടിക്കാട്ടി.
ദക്ഷിണാഫ്രിക്കയില്നിന്നും പാഠം പഠിച്ചില്ല
ശരിയായ രീതിയിലുള്ള പരിശീലന മത്സരങ്ങളുടെ ഇന്ത്യയെ ബാധിച്ചിട്ടുണ്ട്. ആകെയുള്ള പരിശീലന മത്സരം തന്നെ റദ്ദാക്കിയ ഇന്ത്യ ദക്ഷിണാഫ്രിക്കയില് നിന്നും പാഠം പഠിച്ചില്ല. കുറഞ്ഞത് രണ്ട് മത്സരങ്ങളെങ്കിലും പരിശീലനത്തിനായി വിനിയോഗിക്കണം. അത് ടീമിന്റെ പ്രകടനത്തില് മാറ്റുവരുത്തുമെന്നും അദ്ദേഹം പറഞ്ഞു.
അടുത്ത മത്സരത്തില് ജയിക്കാനായി ചെയ്യേണ്ടത്
വരും മത്സരങ്ങളില് ഇന്ത്യയ്ക്ക് ജയിക്കാനാകുമെന്നാണ് ഗാവസ്കറുടെ പ്രതീക്ഷ. ഇതിനായി ഒരു ബൗളറെ ഒഴിവാക്കി ബാറ്റ്സ്മാനെ ഉള്പ്പെടുത്തണം. വിദേശ പിച്ചുകളില് ഒരു അധിക ബാറ്റ്സ്മാനെ കളിപ്പിക്കുന്നത് ടീമിന് ഗുണം ചെയ്യും. തോല്വിയില് നിരാശരാകാതെ തങ്ങളില് തന്നെ വിശ്വസിച്ചാല് ടീമിന് തിരിച്ചുവരാമെന്നും ഗാവസ്കര് പറഞ്ഞു.
സ്പോര്ട്സ് ഇഷ്ടമാണോ? എങ്കില് മൈഖേല് വായിക്കൂ..
കായിക ലോകത്തെ പുതിയ വാര്ത്തകള് അറിയാന് malayalam mykhel വായിക്കൂ. മൊബൈല് അലെര്ട്ടുകള് കൃത്യമായി ലഭിക്കാന് മുകള് ഭാഗത്ത് കാണുന്ന ബെല് ഐക്കണില് ക്ലിക്ക് ചെയ്യൂ.