Click it and Unblock the Notifications
രാജസ്ഥാന് നന്ദി
കഴിഞ്ഞ ഏഴ് ആഴ്ചകളിലെ സന്തോഷങ്ങള്‍ക്ക് നന്ദി പറയുന്നതായി സ്മിത്ത് പിന്നീട് സോഷ്യല്‍ മീഡയയില്‍ കുറിച്ചു. ഐപിഎല്ലിലെ ഓരോ മിനിറ്റും ആസ്വദിക്കാന്‍ കഴിഞ്ഞു. രാജസ്ഥാന് റോയല്‍സ് പോലെ മികച്ചൊരു ഫ്രാഞ്ചൈസിക്കുവേണ്ടി കളിക്കാന്‍ കഴിഞ്ഞതില്‍ സന്തോഷമുണ്ടെന്നും ദില്ലിയില്‍ കളിക്കാനിറങ്ങുന്ന ടീമിന് ജയിക്കാന്‍ കഴിയട്ടേയെന്നും സ്മിത്ത് ആശംസിച്ചു.
രാജസ്ഥാന് ക്യാപ്റ്റനായി
കഴിഞ്ഞ സീസണില്‍ പന്തുചുരണ്ടല്‍ വിവാദത്തില്‍ അകപ്പെട്ടിരുന്നതിനാല്‍ സ്മിത്തിന് കളിക്കാന്‍ കഴിഞ്ഞിരുന്നില്ല. അജിങ്ക്യ രഹാനെയായിരുന്നു ടീമിനെ നയിച്ചിരുന്നത്. എന്നാല്‍, ഇത്തവണയും രഹാനെയുടെ കീഴില്‍ ടീം മോശം പ്രകടനം തുടര്‍ന്നതോടെ പാതിവഴിയില്‍ സ്മിത്ത് ക്യാപ്റ്റന്‍ സ്ഥാനം ഏറ്റെടുത്തിരുന്നു. ഇതിനുശേഷം ടീമിന് പ്ലേ ഓഫ് പ്രതീക്ഷ നിലനിര്‍ത്തി വിജയങ്ങള്‍ സ്വന്തമാക്കാനും സാധിച്ചു.
കളിക്കാര്‍ മടങ്ങുന്നു
സ്മിത്തിന്റെ അസാന്നിധ്യം ടീമിനെ കൂടുതല്‍ ദുര്‍ബലമാക്കിയേക്കും. നേരത്തെ, ജോഫ്ര ആര്‍ച്ചര്‍, ജോസ് ബട്‌ലര്‍ എന്നിവര്‍ ഇംഗ്ലണ്ട് ടീമിനൊപ്പം ചേരേണ്ടതിനാല്‍ നാട്ടിലേക്ക് മടങ്ങിയിരുന്നു. ഇംഗ്ലണ്ടിന്റെയും ഓസ്‌ട്രേലിയയുടേയും ദേശീയ ടീമില്‍ ഇടംപിടിച്ച താരങ്ങളെല്ലാം എല്ലാ ഫ്രാഞ്ചൈസികളില്‍ നിന്നും സ്വരാജ്യത്തേക്ക് മടങ്ങിയിട്ടുണ്ട്. മെയ് അവസാനം ലോകകപ്പ് ആരംഭിക്കുമെന്നതിനാല്‍ മറ്റു ടീമുകളിലെ വിദേശ കളിക്കാരും അടുത്തദിവസം തന്നെ മടങ്ങിയേക്കും.
