Click it and Unblock the Notifications
തിരിച്ചുവരവ് ന്യൂസിലാന്‍ഡിനെതിരേ
മാര്‍ച്ച് അവസാനത്തോടെയാണ് സ്മിത്തിന്റെയും വാര്‍ണറുടെയും വിലക്ക് അവസാനിക്കുന്നത്. പാകിസ്താനെതിരേ നടക്കാനിരിക്കുന്ന ഏകദിന പരമ്പരയില്‍ കളിച്ചായിരിക്കും ഇരുവരുടെയും മടങ്ങിവരവ് എന്നായിരുന്നു നേരത്തേയുള്ള റിപ്പോര്‍ട്ടുകള്‍.
എന്നാല്‍ തിരിച്ചുവരവ് ഇനിയും വൈകുമെന്നാണ് പുതിയ വിവരം. മെയ് ആദ്യവാരം ന്യൂസിലാന്‍ഡിനെതിരേ ആയിരിക്കും സ്മിത്തും വാര്‍ണറും ആദ്യമായി ദേശീയ ടീമിനു വേണ്ടി കൡക്കുകയെന്നാണ് റിപ്പോര്‍ട്ട്. ലോകകപ്പ് തയ്യാറെടുപ്പിന്റെ ഭാഗമായാണ് ന്യൂസിലാന്‍ഡുമായി കംഗാരുപ്പട ഏറ്റുമുട്ടുന്നത്.
ഇരുവര്‍ക്കും പരിക്ക്
പരിക്കും മറ്റു ചില കാരണങ്ങളുമാണ് സ്മിത്തിന്റെയും വാര്‍ണറുടെയും അന്താരാഷ്ട്ര ക്രിക്കറ്റിലേക്കുള്ള തിരിച്ചുവരവ് വൈകിപ്പിച്ചത്. നിലവില്‍ ഇരുതാരങ്ങളും പരിക്കിന്റെ പിടിലിയാണ്. ബംഗ്ലാദേശ് പ്രീമിയര്‍ ലീഗിന് തൊട്ടുമുമ്പാണ് സ്മിത്തിന് പരിക്കേറ്റതെങ്കില്‍ ഈ ടൂര്‍ണമെന്റിനിടെ വാര്‍ണര്‍ പരിക്കുമൂലം നാട്ടിലേക്കു മടങ്ങുകയായിരുന്നു.സ്്മിത്ത് കഴിഞ്ഞ മാസം ശസ്ത്രക്രിയക്കും വിധേയനായി.
മാര്‍ച്ച് 28നാണ് ഇരുവര്‍ക്കും ക്രിക്കറ്റ് ഓസ്‌ട്രേലിയ ഏര്‍പ്പെടുത്തിയ ഒരു വര്‍ഷത്തെ വിലക്ക് അവസാനിക്കുന്നത്. അതുകൊണ്ടു തന്നെ മാര്‍ച്ച് 29, 31 തിയ്യതികള്‍ ദുബായില്‍ പാകിസ്താനെതിരേ നടക്കുന്ന ഏകദിനങ്ങളില്‍ കളിക്കുന്നതിന് ഇരുവര്‍ക്കും തടസ്സവും ഇല്ലായിരുന്നു.
ഐപിഎല്ലില്‍ കളിച്ചേക്കും
ദേശീയ ടീമിനൊപ്പമുള്ള സ്മിത്തിന്റെയും വാര്‍ണറുടെയും ആദ്യ മല്‍സരത്തിനു വേണ്ടി മെയ് വരെ കാത്തിരിക്കേണ്ടി വരുമെങ്കിലും മറ്റൊരു ടൂര്‍ണമെന്റില്‍ അതിനു മുമ്പ് ഇരുവരെയും കണ്ടേക്കും. വരാനനിരിക്കുന്ന ഐപിഎല്ലിന്റെ 12ാം സീസണില്‍ സ്മിത്തും വാര്‍ണറും കളിച്ചേക്കുമെന്നാണ് റിപ്പോര്‍ട്ടുകള്‍.
മാര്‍ച്ച് 23നാണ് ഐപിഎല്ലിന്റെ പുതിയ സീസണ്‍ തുടങ്ങുന്നത്. പരിക്കില്‍ നിന്നും എത്രയും പെട്ടെന്ന് മോചിതരായാല്‍ ഐപിഎല്ലില്‍ സ്മിത്തിനെയും വാര്‍ണറെയും കാണാനായേക്കും.
