സച്ചിന്‍ ബൗളറുടെ മനസ്സ് വായിക്കും: യുവരാജ്

ദില്ലി: ബൗളര്‍മാരുടെ മനസ്സ് വായിക്കാന്‍ കഴിവുള്ള് ബാറ്റ്‌സ്മാനാണ് സച്ചിന്‍ ടെണ്ടുല്‍ക്കറെന്ന് ക്രിക്കറ്റ് താരം യുവ്‌രാജ് സിങ്.

തനിയ്‌ക്കെതിരെ എങ്ങനെയായിരിക്കും ഒരാള്‍ പന്തെറിയുകയെന്ന് സച്ചിന്‍ നന്നായി അറിയാം. കുറെ വര്‍ഷങ്ങളായി സച്ചിന്‍ ഇക്കാര്യത്തില്‍ തന്റെ കഴിവ് തെളിയിച്ചുകൊണ്ടിരിക്കുന്നു. ഇത് സച്ചിന്റെ സ്വാഭാവികമായ ഒരു കഴിവാണ്. തീര്‍ത്തും ദൈവീകസമ്മാനമാണ് ആ കഴിവ്- യുവരാജ് പറഞ്ഞു.

ബൗളറിനും ഫീല്‍ഡിംഗ് ക്രമീകരണങ്ങള്‍ക്കും അനുസരിച്ച് സച്ചിന് തന്റെ ബാറ്റിംഗ് ക്രമീകരിക്കാനാകും. അധികം ബാറ്റ്‌സ്മാന്‍മാര്‍ക്കും ഇങ്ങനെ കഴിയില്ല. ഞാന്‍ അതിന് ശ്രമിക്കാറുണ്ട്. പക്ഷെ അത് വളരെ ബുദ്ധിമുട്ടായിട്ടാണ് അനുഭവപ്പെടുന്നത്-യുവരാജ് പറഞ്ഞു.