
സച്ചിനെ കാണണമെന്നാഗ്രഹത്തോടെയാണ് ഞാന് കളി തുടങ്ങിയത്. സച്ചിനൊപ്പം ലോകകപ്പ് കളിക്കാന് കഴിയുന്നു എന്നതില് സന്തോഷമുണ്ട്്. ദൈവാനുഗ്രഹമാണ് എന്നെ ലോകകപ്പ് ക്രിക്കറ്റ് ടീമിലെത്തിച്ചത്.
എല്ലാവരുടെയും പ്രാര്ത്ഥന ഫലിച്ചു. രാജ്യത്തെ ഏറ്റവും മികച്ച പേസ് ബൗളറായ പ്രവീണ് കുമാറിന് പരുക്കുമൂലം ലോകകപ്പ് നഷ്ടമായതില് സങ്കടമുണ്ടെന്നും ശ്രീശാന്ത് പറഞ്ഞു.
പരിക്കേറ്റ് ടീമില് നിന്നും പുറത്തായ പ്രവീണ് കുമാറിന് പകരം പരിഗണിച്ചിരുന്ന ഇശാന്ത് ശര്മ, വിനയ്കുമാര് എന്നിവരെ മറികടന്നാണ് ശ്രീശാന്ത് ടീമിലെത്തിയത്.
ഇന്ത്യയ്ക്കുവേണ്ടി 51 ഏകദിനങ്ങള് കളിച്ചിട്ടുള്ള ശ്രീശാന്ത് 75 വിക്കറ്റുകള് സ്വന്തമാക്കിയിട്ടുണ്ട്. 2005ല് ശ്രീലങ്കയ്ക്കെതിരെ നാഗ്പുരിലായിരുന്നു ഏകദിനത്തിലെ അരങ്ങേറ്റം.
ന്യൂസീലന്ഡ് പര്യടനത്തിലെ മികവുറ്റ പ്രകടനമാണ് വിനയ്കുമാറിനു പകരം ശ്രീക്ക് നറുക്കുവീഴാന് കാരണം. അവസാന ഏകദിനത്തില് ഒന്പത് ഓവറില് 47 റണ്സിന് നാലു വിക്കറ്റ് വീഴ്ത്തിയ ശ്രീ ഇന്ത്യയ്ക്ക് വിജയമൊരുക്കുന്നതില് നിര്ണായക പങ്കാണ് വഹിച്ചത്.