ശ്രീശാന്ത്; എന്നും വിവാദങ്ങളുടെ തോഴന്‍

By Kishor

Updated: Thursday, May 16, 2013, 12:57 [IST]

വിവാദങ്ങളുടെ തോഴനാണ് ശ്രീശാന്ത്. എന്നും ഏതുകാലത്തും ശ്രീശാന്തിന് കളിക്കളത്തില്‍ വഴക്കാളി ഇമേജാണുള്ളത്. ഹര്‍ഭജന്‍ സിംഗ് ശ്രീശാന്തിനെ അടിച്ചപ്പോള്‍ ഹര്‍ഭജനെതിരെയല്ല, ശ്രീശാന്തിന് അത് കിട്ടേണ്ടത് തന്നെയാണ് എന്നാണ് അധികം ആളുകളും പറഞ്ഞത്.

അതിനുമുമ്പും ശേഷവും ശ്രീശാന്ത് കളിക്കളത്തില്‍ ഉണ്ടാക്കിയ പ്രശ്‌നങ്ങള്‍ക്ക് കയ്യും കണക്കുമില്ല. അനാവശ്യമായ അപ്പീലുകളും അമ്പയര്‍മാരോട് കയര്‍ക്കലും ശ്രീയുടെ ഇഷ്ടവിനോദങ്ങളില്‍ ഒന്നാണ്. ഔട്ടായിപ്പോകുന്ന ബാറ്റ്‌സ്മാനെ പോലും പുറകേ ചെന്ന് പ്രകോപിപ്പിക്കുന്ന സ്വഭാവമാണ് ശ്രീക്കുള്ളത്.

സൈമണ്ട്സും ആന്ദ്രേ നെല്ലും മാത്യു ഹെയ്ഡനും പലപ്പോഴായി അനുഭവിച്ചറിഞ്ഞിട്ടുള്ളതാണ് ശ്രീശാന്തിന്റെ ഈ ശൗര്യം. കളിക്കളത്തിലെ ശ്രീശാന്തിന്റെ വിവാദ പെര്‍ഫോമന്‍സുകളില്‍ ചിലത് നോക്കൂ.

ഹര്‍ഭജന്റെ തല്ല്

ഐ പി എല്ലില്‍ മുംബൈ ഇന്ത്യന്‍സിനെതിരെ നടന്ന കളിക്ക് ശേഷം നടന്ന ഈ സംഭവം കാണാത്ത മലയാളികള്‍ ഉണ്ടാകില്ല. ഹര്‍ഭജന്റെ അടിയേറ്റ് കരയുന്ന ശ്രീശാന്തിന്റെ ചിത്രം വൈറലായാണ് സോഷ്യല്‍ നെറ്റുവര്‍്ക്ക് സൈറ്റുകളില്‍ പടര്‍ന്നത്.