മുംബൈ: മലയാളി പേസര് ശ്രീശാന്തിന്റെ കാര്യത്തില് ടീം ഇന്ത്യയുടെ ക്യാപ്റ്റന് മഹേന്ദ്രസിങ് ധോണി കനിഞ്ഞേയ്ക്കുമെന്ന് സൂചന. ലങ്കയ്ക്കെതിരെയുള്ള ഫൈനല് മത്സരത്തില് ശ്രീശാന്ത് കളിയ്ക്കുമെന്നുതന്നെയാണ് സൂചനകള്. മത്സരത്തിന് ഒരുങ്ങാന് ധോണി ശ്രീയ്ക്ക് നിര്ദ്ദേശം നല്കിയിട്ടുണ്ട്.
അതേസമയം, പെരുമാറ്റം നിയന്ത്രിക്കേണ്ടത് ശ്രീ തന്നെയാണെന്നും അക്കാര്യങ്ങള് തന്റെ നിയന്ത്രണങ്ങള്ക്കപ്പുറമാണെന്നും ധോണി പറഞ്ഞിട്ടുണ്ട്. പ്രവീണ്കുമാറിന് പരിക്കേറ്റതിനെത്തുടര്ന്നാണ് ശ്രീ ലോകകപ്പ് ടീമിലേക്ക് പകരക്കാരനായി വന്നത്. ഒടുവില് അവസാന കളിയില് നെഹ്റയുടെ പരിക്കാണ് ശ്രീക്ക് വഴി അവരസമൊരുക്കുന്നത്്. ധാക്കയിലെ ഉദ്ഘാടന മത്സരത്തില് റണ്ണേറെ വഴങ്ങിയ ശ്രീക്ക് പിന്നീട് അവസരം ലഭിച്ചിരുന്നില്ല.
പാകിസ്താനെതിരായ സെമിഫൈനലില് ഷാഹിദ് അഫ്രിഡിയുടെ ക്യാച്ചെടുക്കാന് ശ്രമിക്കുമ്പോഴാണ് നെഹ്റയുടെ നടുവിരലിന് പൊട്ടലേറ്റത്.