ബിസിസിഐ: ഇരുപക്ഷവും വോട്ടര്‍മാരുടെ പട്ടിക നല്‍കണം

ദില്ലി: ക്രിക്കറ്റ് ബോര്‍ഡ് വാര്‍ഷിക തിരഞ്ഞെടുപ്പിന് വോട്ട് ചെയ്യാന്‍ യോഗ്യരായ അംഗങ്ങളുടെ പട്ടിക നല്‍കാന്‍ സുപ്രിം കോടതി ബിസിസിഐയിലെ ഇരുവിഭാഗങ്ങളോടും ആവശ്യപ്പെട്ടു.

ജസ്റിസുമാരായ ബി.പി.സിംഗ്, എസ്.ബി. സിഹ്ന എന്നിവരുള്‍പ്പെട്ട ഡിവിഷന്‍ ബെഞ്ചാണ് ഈ നിര്‍ദേശം നല്‍കിയത്. ബിസിസിഐ തിരഞ്ഞെടുപ്പിനു നിരീക്ഷനെ നിയമിക്കുന്നതു സംബന്ധിച്ച ഹര്‍ജികള്‍ പരിഗണിക്കവെയാണ് ഡിവിഷന്‍ ബെഞ്ച് ഈ നിര്‍ദേശം നല്‍കിയത്.

മുന്‍ മുഖ്യ തിരഞ്ഞെടുപ്പ് കമ്മിഷണര്‍ ടി.എസ്.കൃഷ്ണമൂര്‍ത്തിയെ ബിസിസിഐ തിരഞ്ഞെടുപ്പ് നിരീക്ഷകനായി നിയമിക്കണമെന്ന് ഇരുവിഭാഗങ്ങളും കഴിഞ്ഞ ദിവസം സുപ്രിം കോടതിയോട് അഭ്യര്‍ഥിച്ചിരുന്നു.