ലോര്ഡ്സ്: ഇംഗ്ലണ്ടിനെതിരേയുള്ള ടെസ്റ്റിലെ ആദ്യദിവസം തന്നെ കൈക്ക് പരിക്കേറ്റ ഇന്ത്യന് പേസ് ബൗളര് സഹീര്ഖാന് പരമ്പരയിലെ ഒട്ടുമിക്ക മല്സരങ്ങളും നഷ്ടപ്പെടാന് സാധ്യത.
പരിക്കു ഗുരുതരമാണെന്നു തെളിഞ്ഞാല് ചുരുങ്ങിയത് രണ്ടാഴ്ചയോളം വിശ്രമം അത്യാവശ്യമായിരിക്കും.
തീര്ച്ചയായും ഈ വാര്ത്ത ഇംഗ്ലീഷ് ആരാധകരെ ഏറെ സന്തോഷിപ്പിക്കും. ലോര്ഡ്സില് സഹീര്ഖാന്റെ ബോളുകള് നേരിടുന്നതില് ഇംഗ്ലീഷ് താരങ്ങള് ഏറെ ബുദ്ധിമുട്ടിയിരുന്നു. ആദ്യദിവസം വീണ രണ്ടു വിക്കറ്റുകളും സഹീര്ഖാന്റെ പേരിലാണ്.